నటి పూనమ్​ పాండేపై కేసు.. కారణం ఆ వీడియోనే!

బహిరంగ ప్రదేశంలో అశ్లీల వీడియోలో నటించిందనే ఆరోపణలతో నటి పూనమ్​ పాండేపై గోవాలో కేసు నమోదైంది. ఈ మేరకు పోలీసులు దర్యాప్తు ప్రారంభిస్తున్నారు.

వివాదస్పద నటి పూనమ్ పాండేపై మరో కేసు నమోదైంది. ఆమె ఇటీవల గోవాలో ఓ వీడియో కోసం చిత్రీకరణలో పాల్గొనగా, అదే ప్రాంతానికి చెందిన ఫార్వర్డ్ పార్టీ మహిళా విభాగం ఈమెపై పోలీసులకు ఫిర్యాదు చేసింది.

గోవాలోని చపోలి ఆనకట్ట వద్ద పూనమ్ అశ్లీల వీడియోను చిత్రీకరించిందని ఆరోపిస్తూ సదరు మహిళా సంఘం ఫిర్యాదులో పేర్కొంది. దీంతోపాటే మరో కేసు కూడా నమోదైంది. వీటిపై అధికారులు దర్యాప్తు చేస్తున్నారు.

కొద్దికాలం క్రితమే గోవాలోనే ఉన్నప్పుడే పూనమ్.. తన భర్త సామ్ అహ్మద్​పై కెనకోనా పోలీస్ స్టేషన్‌లో కేసు పెట్టింది. తనపై దాడిచేసి లైంగికంగా వేధిస్తున్నట్లు ఫిర్యాదులో పేర్కొంది. ఆ తర్వాత సామ్ బెయిల్ పై విడుదలయ్యాడు. పూనమ్, సామ్.. సెప్టెంబర్ 10న వివాహం చేసుకున్నారు.

ఇదీ చూడండి