64వ ఫిల్మ్ ఫేర్ అవార్డుల ప్రదానోత్సవం ముంబయిలో జరిగింది. 2018లో ప్రేక్షకాదరణ పొందిన చిత్రాలకు ఈ అవార్డులను అందజేశారు. ఉత్తమ చిత్రంగా 'రాజీ' ఎంపికైంది. ఉత్తమ నటుడు విభాగంలో 'సంజూ' చిత్రానికి గాను రణ్బీర్ కపూర్ అవార్డును అందుకోగా, ఉత్తమ నటిగా ఆలియా భట్కి అవార్డు దక్కింది. అందాల నటి శ్రీదేవికి(మరణాంతరం)ఫిల్మ్ఫేర్ జీవన సాఫల్య పురస్కారాన్ని ప్రకటించింది అవార్డు కమిటీ.
ప్రేమ పక్షులకు ఫిల్మ్ఫేర్ అవార్డులు..
రణ్బీర్ కపూర్, ఆలియా భట్.. ఉత్తమ నటుడు, ఉత్తమ నటి కేటగిరీల్లో ఫిల్మ్ఫేర్ అవార్డులు కైవసం చేసుకున్నారు. వీరిద్దరూ ప్రేమలో ఉన్నారంటూ ఊహగానాలు వినిపిస్తున్నాయి. ఈ తరుణంలో ఫిలింఫేర్ అవార్డులందుకుని మరోసారి వార్తల్లో నిలిచారు. ప్రేమికులకు పురస్కారాలొచ్చాయంటూ పలువురు విశేషంగా స్పందిస్తున్నారు!
- ఉత్తమ చిత్రం.... రాజీ
- ఉత్తమ దర్శకుడు మేఘనా గుల్జార్ (రాజీ)
- ఉత్తమ నటుడు రణ్బీర్ కపూర్(సంజూ)
- ఉత్తమ నటి.. ఆలియా భట్(రాజీ)
- ఉత్తమ సహాయ నటుడు విక్కీ కౌశల్(సంజూ),గజ్రాజ్(బదాయి హో)
- ఉత్తమ సహాయ నటి సురేఖ సిక్రి(బదాయి హో)
- క్రిటిక్స్ ఉత్తమ చిత్రం శ్రీరామ్ రాఘవన్(అంధాధున్)
- క్రిటిక్స్ ఉత్తమ నటుడు ఆయుష్మాన్ ఖురానా(అంధాధున్)
- క్రిటిక్స్ ఉత్తమ నటి నీనా గుప్తా(బదాయి హో)
- ఉత్తమ నూతన నటుడు ఇషాన్ కట్టర్(ధడక్)
- ఉత్తమ నూతన నటి సారా అలీ ఖాన్(కేదార్నాథ్)
- ఉత్తమ నూతన దర్శకుడు అమర్ కౌషిక్(స్త్రీ)
- ఉత్తమ కథ అనుభవ్ సిన్హా(ముల్క్)
- ఉత్తమ సంగీత దర్శకుడు సంజయ్ లీలా భన్సాలీ(పద్మావత్)
- ఉత్తమ గేయరచయిత గుల్జార్(ఏ వతన్, రాజీ)
- ఉత్తమ గాయకుడు అర్జిత్ సింగ్(ఏ వతన్, రాజీ)
- ఉత్తమ గాయని శ్రేయా ఘోషల్(ఘుమర్, పద్మావత్)
- ఉత్తమ విజువల్ ఎఫెక్ట్స్ రెడ్ చిల్లీస్(విఎఫ్ఎక్స్)జీరో
గతేడాది వాణిజ్యపరంగా విజయవంతమైన రాజీ, అంధాధున్ సినిమాలు అత్యధికంగా చెరో 5 ఫిలింఫేర్ అవార్డులను కైవసం చేసుకున్నాయి. బదాయ్ హో, పద్మావత్ చిత్రాలు నాలుగు చొప్పున పురస్కారాలు గెల్చుకున్నాయి. సినీ పరిశ్రమలో 50ఏళ్ల ప్రస్థానం విభాగంలో హేమమాలినికి ప్రత్యేక అవార్డు లభించింది. ఆర్డీ బర్మన్ అవార్డు లైలా మజ్నూ చిత్రానికి గాను నీలాద్రి కుమార్ దక్కించుకున్నారు.
