ఫిల్మ్​ఫేర్ అవార్డుల్లో కొన్ని ఆసక్తికర విషయాలు

ఫిల్మ్​ఫేర్... భారత్​లో బాగా ప్రాచుర్యం పొందిన పురస్కారం. ప్రతి నటుడు తమ జీవితంలో ఒక్కసారైన ఈ అవార్డు అందుకోవాలనుకుంటాడు. ఇప్పటివరకూ 64 సార్లు ఈ అవార్డులను ప్రదానం చేశారు. మరి వీటిలో కొన్ని ఆసక్తికర విషయాలను ఇప్పుడు చూద్దాం!

మీకు తెలుసా? గాయని లతా మంగేష్కర్ ఫిల్మ్​ఫేర్​ని చేతిరుమాలులో పెట్టి ఇస్తేనే తీసుకున్నారట. ధర్మేంద్ర, సల్మాన్ ఖాన్, అక్షయ్ కుమార్ ఉత్తమ నటుడిగా ఒక్కసారి కూడా అవార్డుని అందుకోలేదు. ఇలాంటి ఆసక్తి కరమైన విషయాలను ఒకసారి పరిశీలిద్దాం.

• ఫిల్మ్​ఫేర్ అవార్డులని క్లేర్ పురస్కారాలని పిలుస్తారు. ప్రముఖ చిత్ర విమర్శకురాలు క్లేర్ మెండోన్కా 1954లో మరణించారు. ఆమె పేరు మీదుగా ఫిల్మ్​ఫేర్ అని నామకరణం చేశారు.

1954 మార్చి 21న తొలిసారి ఫిల్మ్​ఫేర్ పురస్కారాలను అందజేశారు. అప్పడు కేవలం నాలుగ విభాగాల్లోనే అవార్డుల్ని ఇచ్చారు. ఉత్తమ చిత్రం, ఉత్తమ దర్శకుడు, ఉత్తమ నటుడు, ఉత్తమ నటి, ఉత్తమ సంగీత దర్శకుడు కేటగిరీల్లోనే ఫిల్మ్​ఫేర్ ప్రదానం చేశారు. ఉత్తమ చిత్రంగా 'దో బిగా జమీన్'కు తొలి అవార్డు దక్కింది.

• ఉత్తమ దర్శకుడిగా బిమాల్ రాయ్ 7 సార్లు ఫిల్మ్​ఫేర్ అందుకున్నారు. దో భిగా జమీన్, పరిణీత, బిరాజ్ బహు, మధుమతి, సుజాత, పరాఖ్, బందిని చిత్రాలకు గాను ఆయనకు అవార్డు దక్కింది.

ఇప్పటి వరకు ఒక్కఏడాదిలో అత్యధిక ఫిల్మ్​ఫేర్ అవార్డులు పొందిన చిత్రం 'బ్లాక్'. 2005లో వచ్చిన ఈ సినిమా 11 పురస్కారాలను గెలుచుకుంది. ఉత్తమ చిత్రం, ఉత్తమ నటీనటులు విభాగాలతో సహా 11 అవార్డులు కైవసం చేసుకుంది. దిల్​వాలే దుల్హానియా లేజాయేంగే, దేవ్​దాస్ చిత్రాలు 10 అవార్డులతో తర్వాతి స్థానంలో ఉన్నాయి.

1. షారుఖ్ అత్యధికంగా 14 ఫిల్మ్​ఫేర్​లు అందుకున్నాడు. ఉత్తమ నటుడిగా 8 పురస్కారాలు గెలుచుకుని, దిలీప్ కుమార్​ని సమం చేశాడు. అనంతరం అమితాబ్ 5 ఫిల్మ్​ఫేర్​లతో తర్వాతి స్థానంలో ఉన్నాడు.
2. షారుఖ్, అమితాబ్ ఎక్కువ పురస్కారాలు గెలుచుకుంటే, అక్షయ్, గోవింద, సైఫ్ ​అలీ ఖాన్, సల్మాన్ ఖాన్ ఒక్కసారి కూడా ఉత్తమ నటుడిగా ఫిల్మ్​ఫేర్​ అందుకోలేదు.

ధర్మేంద్ర, శశి కపూర్, వినోద్ ఖన్నా ఫిల్మ్​ఫేర్ జీవనసాఫల్య పురస్కారాన్ని అందుకున్నా.. ఉత్తమ నటుడి విభాగంలో మాత్రం అవార్డుని తీసుకోలేదు. శతృఘ్న సిన్హాకు ఒక్క విభాగంలోనూ ఫిల్మ్​ఫేర్ దక్కలేదు.

• ఉత్తమ గేయరచయితగా గుల్జార్ అత్యధికంగా 11సార్లు ఫిల్మ్​ఫేర్ అందుకున్నాడు. ఎవ్వరూ ఏ విభాగంలోనూ ఇన్ని అవార్డులు గెలవలేదు.

ఒకే ఏడాది ఉత్తమ నటి, ఉత్తమ సహాయ నటి విభాగంలో అవార్డు గెల్చుకున్న ఏకైక నటి రాణిముఖర్జి. 2004లో హమ్ తుమ్, యువ చిత్రాలకు గాను ఆమెకు ఈ పురస్కారాలు వరించాయి.

1. ఫిల్మ్​ఫేర్ ప్రతిమపై బట్టలు లేకపోవడాన్ని నిరసిస్తూ ప్రముఖ గాయని లతా మంగేష్కర్ తన మొదటి అవార్డుని తీసుకోవడానికి నిరాకరించారు. చేతి రుమాలు ద్వారా స్వీకరించారు.
2. 1975లో జరిగిన 23వ ఫిల్మ్​ఫేర్ అవార్డుల ప్రదానోత్సవంలో షోలే చిత్రం ఉత్తమ ఎడిటింగ్ విభాగంలోనే అవార్డు గెలుచుకుంది. 2005లో ఫిల్మ్​ఫేర్ 50ఏళ్లలో ఉత్తమ చిత్రం కేటగిరీలో షోలేకి అవార్డు రావడం గమనార్హం.

ఉత్తమ దర్శకుల విభాగంలో అవార్డు అందుకున్న మొదటి మహిళ సాయి పరాంజ్​పాయ్. 1985లో స్పర్శ్ చిత్రానికి గాను ఆమె ఈ పురస్కారం గెలుచుకుంది. అనంతరం 2012లో జోయా అక్తర్ 'జిందగీ నా మిలేగీ దొబారా' సినిమాకు అందుకుంది. 2018, 2019లోనూ అశ్విని, మేఘనా గుల్జార్ ఫిల్మ్​ఫేర్ అందుకున్నారు. బరేలీకి బర్ఫీ, రాజీ చిత్రాలకు గాను వారికి ఈ అవార్డులు వచ్చాయి.

• అతిపెద్ద వయసులో అవార్డు అందుకున్న నటిగా గుర్తింపు తెచ్చుకుంది నూతన్. 42 ఏళ్ల వయసులో ఆమెకు 'మే ఐసే ఆంగాన్' కి అనే చిత్రానికి పురస్కారం వచ్చింది. అతి చిన్న వయసులో ఫిల్మ్​ఫేర్ గెలుచుకుంది డింపుల్ కపాడియా. 16 ఏళ్లకే ఆమె ఈ పురస్కారాన్ని సాధించింది.