'ఫ్లాప్​ సినిమాకు సీక్వెల్​ అడుగుతారేంటి బాబూ?!'

కింగ్​ఖాన్ షారుక్​.. ట్విట్టర్​లో బుధవారం సరదాగా తన అభిమానులతో ముచ్చటించారు. కొత్త సినిమా 'పఠాన్'​ అప్​డేట్​ కావాలంటూ అభిమానులు అడిగే ప్రశ్నలకు షారుక్​ చమత్కారంగా సమాధానమిచ్చారు.

బాలీవుడ్​ బాద్షా షారుక్​ ఖాన్​ బుధవారం ట్విట్టర్​లో తన అభిమానులతో ముచ్చటించారు. ఈ సందర్భంగా తన కొత్త చిత్రం 'పఠాన్'​ ఎప్పుడు రిలీజ్ అవ్వబోతుందని పలువురు ఫ్యాన్స్​ అడగ్గా.. విడుదలకు సిద్ధమైన చిత్రాలన్నీ అయిపోయిన తర్వాత తన సినిమా రిలీజ్​ అవుతుందని చమత్కరించారు.

షారుక్​ చివరిగా నటించిన చిత్రం 'జీరో'. ఆనంద్​ ఎల్​.రాయ్​ దర్శకత్వంలో రూపొందిన సినిమా 2018లో విడుదలై బాక్సాఫీసు వద్ద అనుకున్న స్థాయిలో ఆకట్టుకోలేకపోయింది. దీంతో మూడేళ్లు తర్వాత 'పఠాన్​' చిత్రంలో నటించేందుకు అంగీకరించారు.

• Have 15 minutes before I go into doing more of nothing! Thought will spend it with you all and do a quick #AskSRK 3...2....1....go!

  — Shah Rukh Khan (@iamsrk) March 31, 2021 " class="align-text-top noRightClick twitterSection" data="

  Have 15 minutes before I go into doing more of nothing! Thought will spend it with you all and do a quick #AskSRK 3...2....1....go!

  — Shah Rukh Khan (@iamsrk) March 31, 2021

  ">

  Have 15 minutes before I go into doing more of nothing! Thought will spend it with you all and do a quick #AskSRK 3...2....1....go!

  — Shah Rukh Khan (@iamsrk) March 31, 2021

అయితే బుధవారం అభిమానులతో ట్విట్టర్​ ద్వారా ముచ్చటించిన షారుక్​.. వారు అడిగిన ప్రశ్నలకు తీరిగ్గా సమాధానమిచ్చారు. తాను నటించే కొత్త సినిమాలతో పాటు పుట్టినరోజు ప్రణాళికలను అడిగి తెలుసుకున్నారు.

మీరు నటిస్తున్న కొత్త చిత్రానికి సంబంధించిన అప్​డేట్​ ఎప్పుడు వస్తుంది?

షారుక్​: ఇప్పటికే అనేక సినిమాలు విడుదలకు సిద్ధంగా ఉన్నాయి. మన చిత్రం విడుదల చేయాల్సిన సమయం వస్తుంది. కంగారు పడకండి.

గతేడాది యాష్​రాజ్ ఫిల్మ్స్​ సంస్థ నిర్మించే సినిమాను ప్రారంభించారు. దీనిపై అభిమానులకు ఎలాంటి సమాచారం ఇవ్వలేదేం?

షారుక్​: అనౌన్స్​మెంట్స్​ అనేవి ఎయిర్​పోర్ట్స్​లో.. రైల్వే స్టేషన్లలో ఉంటాయి మై ఫ్రెండ్​. సినిమాలకు అలా కాదు.. అలాంటి ఊహాగానాలతోనే సినిమాకు ప్రచారం లభిస్తుంది.

పఠాన్​లో సల్మాన్​ఖాన్​తో కలిసి నటించడం ఎలా అనిపించింది?

షారుక్​: సోదరుడు ఎప్పుడూ సోదరుడే!

'జబ్​ హ్యారీ మెట్​ సేజల్​' సినిమాకు సీక్వెల్​ ఎప్పుడు వస్తుంది?

షారుక్​: హా..హా.. బాక్సాఫీసు వద్ద ఫెయిల్యూర్​గా నిలిచిన సినిమాలను సీక్వెల్​ చేయమని అందరూ అడుగుతారేంటి?

మూడేళ్ల తర్వాత తెరపై కనిపించనున్నారు. దీనిపై మీ స్పందన?

షారుక్​: అవును.. చాలా సమయం పట్టింది. త్వరగా త్వరగా షూటింగ్​ పూర్తి చేసుకొని మీ ముందుకొస్తాం. కంగారు పడకండి.

ఇదీ చూడండి: డ్రగ్స్​ కేసులో బాలీవుడ్​ నటుడు అరెస్ట్​