Vicky Katrina Wedding: గత కొంతకాలంగా ప్రేమాయణం సాగిస్తున్న బాలీవుడ్ స్టార్స్ విక్కీ కౌశల్-కత్రినా కైఫ్ ఎట్టకేలకు వివాహ బంధంతో ఒక్కటికానున్నారు. రాజస్థాన్ జైపుర్లోని సిక్స్ సెన్సెస్ ఫోర్ట్లో ఈనెల 9న వీరి వివాహం అంగరంగ వైభవంగా జరగనుంది. ఈ నేపథ్యంలో ఈ స్టార్ కపుల్ పెళ్లిని చూడాలని అభిమానులు ఆసక్తిగా ఎదురుచూస్తున్నారు. కానీ ఫ్యాన్స్కు నేరుగా వారి వివాహాన్ని చూసే అవకాశం లేదు. కేవలం బాలీవుడ్ సహా పలువురు ప్రముఖుల సమక్షంలో ఈ పెళ్లి వేడుకలు జరగనున్నాయి.
- " class="align-text-top noRightClick twitterSection" data="
">
ఇలా వీలైనంత గోప్యంగా పెళ్లి వేడుకలు జరగడం బాలీవుడ్కు కొత్తేం కాదు. స్టార్ కపుల్స్ దీపికా పదుకొణె-రణ్వీర్ సింగ్, విరాట్ కోహ్లీ-అనుష్క శర్మ వివాహం ఇదే తరహాలో జరిగింది. పెళ్లికి ఒక నెల ముందు వరకు దీపికా-రణ్వీర్ జంట వారి పెళ్లి గురించి వెల్లడించలేదు. మరోవైపు కోహ్లీ-అనుష్క కూడా రహస్యంగా పెళ్లి చేసుకుని.. సోషల్ మీడియాలో ఆ ఫొటోలు పోస్ట్ చేశారు.
- " class="align-text-top noRightClick twitterSection" data="
">
ఇప్పుడు ఇదే స్టైల్ను విక్కీ-కత్రినా జంట ఫాలో అవుతోంది. దీంతో ఫ్యాన్స్.. విక్కీ-క్యాట్ పెళ్లి ఫొటోలు చూసేందుకు ఆసక్తిగా ఎదురుచూస్తున్నారు. అయితే ఆ ఫొటోలు కూడా ఇప్పుడప్పుడే వచ్చే అవకాశం లేవంటున్నాయి బాలీవుడ్ వర్గాలు. ఎందుకంటే వారి పెళ్లి ఫొటోలను ప్రచురించే హక్కులను ఓ అంతర్జాతీయ మ్యాగజైన్ కొనుగోలు చేసుకుందట. కాబట్టి ఈ ప్రేమజంట పెళ్లి ఫొటోల కోసం అభిమానులు ఇంకొంతకాలం ఆగాల్సిందే.
ఇదీ చూడండి : ఓటీటీలో ఈ రోజే ఇన్ని సినిమాలు రిలీజ్.. మీరేం చూస్తున్నారు?
