కమల్ హాసన్ కథానాయకుడిగా లోకేశ్ కనగరాజ్ దర్శకత్వంలో ఓ చిత్రం తెరకెక్కుతోంది. దీనికి 'విక్రమ్' అనే టైటిల్‌ ఖరారు చేశారు. ఓ విభిన్నమైన యాక్షన్‌ థ్రిల్లర్‌ కథాంశంతో రూపొందనున్న చిత్రమిది. ఇందులో మలయాళ నటుడు ఫహాద్ ఫాజిల్ ఓ ముఖ్య పాత్రలో నటిస్తున్నారు. దీంట్లో ఆయన పోషించబోయే పాత్ర గురించి ఓ ఆసక్తికర విషయం బయటకొచ్చింది.
ఫహాద్ ఈ చిత్రంలో అవినీతిపరుడైన పోలీసు అధికారిగా కనిపించనున్నారని సమాచారం. జైలు నుంచి ఖైదీలు తప్పించుకోవడానికి సహాయపడే పోలీసుగా ఆయన పాత్ర ఉంటుందని ప్రచారం జరుగుతోంది. అయితే కొన్ని వర్గాల్లో మాత్రం ఆయన ఈ సినిమాలో రాజకీయ నాయకుడిగా కనిపిస్తారని వార్తలు వినిపిస్తున్నాయి.
ఇదీ చూడండి.. అల్లు అర్హ.. హీరోయిన్కు ఏమాత్రం తీసిపోదు!
