తెలుగులో 'లోఫర్' సినిమాతో అరంగేట్రం చేసిన నటి దిశా పటానీ.. అనంతరం 'ఎమ్.ఎస్.ధోనీ', 'భాఘీ 2', 'భారత్', 'భాఘీ 3' వంటి చిత్రాలతో మెప్పించింది. తన అందంతో ఆకట్టుకుంటూ బాలీవుడ్లో వరుస ప్రాజెక్టులు చేస్తోంది. త్వరలో టాలీవుడ్లో మరోసారి సందడి చేయనుందని సమాాచరం. అయితే ఈసారి ప్రత్యేక గీతంతో అలరించనుందనే వార్తలు వినిపిస్తున్నాయి.
దర్శకుడు సుకుమార్ తీసే ప్రతి సినిమాలోనూ ఓ ప్రత్యేక గీతం ఉంటుంది. 'అ అంటే అమలాపురం', 'రింగా రింగా', 'జిగేల్ రాణి' ఆ తరహా పాటలే. ప్రస్తుతం తాను తెరకెక్కిస్తున్న 'పుష్ప'లోనూ అలాంటి గీతమే ఉండేలా చూస్తున్నాడు. ఇందులో నటించేందుకు బాలీవుడ్ భామ దిశా పటానీని ఎంపిక చేశారట.
అల్లు అర్జున్ హీరోగా నటిస్తున్న 'పుష్ప' షూటింగ్.. ప్రస్తుతం లాక్డౌన్ కారణంగా నిలిచిపోయింది. ఈ చిత్రంలో రష్మిక హీరోయిన్. విజయ్ సేతుపతి కీలక పాత్ర పోషిస్తున్నారు. మైత్రీ మూవీ మేకర్స్ నిర్మిస్తోంది.
