"ఇలాంటి క్లిష్ట పరిస్థితుల్లోనూ ప్రేక్షకులకు వినోదం అందించే అవకాశం లభించడం గర్వంగా ఉంద"ని అంటోంది బాలీవుడ్ హీరోయిన్ దిశా పటానీ. సల్మాన్ఖాన్ హీరోగా తెరకెక్కిన 'రాధే'లో ఆమె కథానాయికగా నటించింది. ఈనెల 13న ఈ చిత్రం థియేటర్లతో పాటు ఓటీటీ వేదికల ద్వారా ప్రేక్షకుల ముందుకు రానుంది. ఈ సందర్భంగా దిశా పటానీ మాట్లాడారు.
"ఈ మల్టీ ప్లాట్‌ఫామ్‌ విధానం అనేది ఈ క్లిష్ట పరిస్థితుల్లో మంచి నిర్ణయం. థియేటర్ యాజమాన్యాల కోరిక మేరకు సాధ్యమైనన్ని థియేటర్లలో సినిమాను విడుదల చేయడానికి ప్రయత్నాలు చేస్తున్నారు సల్మాన్. అదే సమయంలో థియేటర్లు తెరిచే పరిస్థితి లేని ప్రాంతాల వారు ఓటీటీల ద్వారా చూసే వీలు ఉంది. ఈ సినిమాలో సల్మాన్తో పనిచేయడం మంచి అనుభూతి. 'భారత్‌' చిత్రం తర్వాత సల్మాన్తో మళ్లీ పనిచేసే అవకాశం దక్కడం నా అదృష్టం."
- దిశా పటానీ, హీరోయిన్
ఈ చిత్రంలో సల్మాన్తో కలిసి 'సీటీమార్' పాటకు దిశ స్టెప్పులు ప్రేక్షకుల్ని అలరిస్తున్నాయి. దీనిపై స్పందించిన దిశ.. "ఈ పాట కోసం సన్నద్ధం కావడం చాలా కష్టమైంది. ఎందుకంటే ప్రభుదేవా గొప్ప కొరియోగ్రాఫర్తో కలిసి పనిచేయాలనే సరికి చాలా కంగారు వచ్చింది. కానీ, ఆయన చాలా ఓపిగ్గా వ్యవహరించారు. ఈ చిత్రంలో నా పాత్రను ఎంత బాగా తీర్చిదిద్దారో పాటల్లో నన్ను అంతకంటే బాగా చూపించారు. డ్యాన్సింగ్ అంటే నాకు చాలా ఇష్టం. 'సీటీమార్..' నా డ్యాన్స్ అందరికీ నచ్చేసరికి ఆనందమేసింది. సినిమా విడుదలయ్యాకా ప్రేక్షకులు మరింత ఆనందిస్తారు" అని చెప్పింది.
ఇదీ చూడండి: ఆండ్రియా.. నీ అందం అదిరేనమ్మా!
