సల్మాన్ఖాన్ చిత్రం 'భారత్'లో ప్రత్యేక గీతంలో నర్తించిన దిశాపటానీ... శివసేన అధ్యక్షుడి కుమారుడు, యువసేన అధ్యక్షుడు ఆదిత్య ఠాకరేతో డేటింగ్లో ఉన్నట్లు వార్తలు వస్తున్నాయి. వీరిద్దరూ ఓ రెస్టారెంటు బయట కనిపించిన ఫొటోలు సామాజిక మాధ్యమాల్లో సందడి చేస్తున్నాయి. వాటిల్లో దిశ ఎరుపు రంగు టాప్, చిన్నపాటి స్కర్ట్తో కనిపించింది. ఆదిత్య పసుపు రంగు టీషర్ట్, జీన్స్ ధరించారు. దిశ ఇప్పటివరకు టైగర్ ష్రాఫ్తో ప్రేమలో ఉన్నట్లు రూమర్స్ వినిపించేవి. కానీ ఇటీవల కాలంలోనే కొన్నిసార్లు ఈ రాజకీయ నాయకుడితో కనిపించి మరో చిక్కుముడి తగిలించింది.
సల్మాన్తో గతంలోనూ 'టైగర్ జిందా హై' చిత్రంలో నటించింది దిశ. ఈ టైటిల్తో ఛలోక్తులు విసురుతున్నారు నెటిజన్లు. 'టైగర్ బతికే ఉన్నాడా..?' అంటూ ప్రశ్నిస్తున్నారు. కొందరేమో 'ఠాకరే రియల్ టైగర్' అని కామెంట్లు చేస్తున్నారు.
