Rajamouli thanks to Pawankalyan: వచ్చే ఏడాది సంక్రాంతికి బరిలో దిగిన బడా సినిమాలు రిలీజ్ క్లాష్ కాకుండా విడుదల తేదీలు వాయిదా వేసుకున్నాయి. ఇప్పటికే మహేశ్బాబు నటించిన 'సర్కారు వారి పాట' పండగ బరి నుంచి తప్పుకోగా.. తాజాగా పవన్కల్యాణ్ నటించిన 'భీమ్లానాయక్' కూడా రిలీజ్ డేట్ను మార్చుకుంది. ఈ సందర్భంగా తమ సినిమాలకు లైన్క్లియర్ చేస్తూ విడుదల తేదీని వాయిదా వేసుకున్న 'భీమ్లానాయక్' చిత్రబృందానికి ధన్యవాదాలు తెలిపాయి 'ఆర్ఆర్ఆర్', 'రాధేశ్యామ్' మూవీటీమ్స్.
"భీమ్లానాయక్ రిలీజ్డేట్ను వాయిదా వేస్తూ చిన్నబాబు, పవన్కల్యాణ్ తీసుకున్న నిర్ణయం అభినందనీయం. చిత్రబృందానికి ధన్యవాదాలు. అలాగే ఈ చిత్రం కోసం 'ఎఫ్ 3'ని కూడా పోస్ట్పోన్ చేసిన నిర్మాత దిల్రాజుకు కృతజ్ఞతలు. అసలు సంక్రాంతికి వచ్చే సినిమాలు క్లాష్ కాకుండా చొరవ తీసుకుంటూ తన చిత్రం 'సర్కారు వారి పాట'ను వేసవికి వాయిదా వేస్తూ ముందుగానే నిర్ణయం తీసుకున్న మహేశ్ బాబు, అతని చిత్రబృందానికి థ్యాంక్స్. ఇది సంక్రాంతికి విడుదవ్వాల్సిన సరైన సినిమా" అని రాజమౌళి పేర్కొన్నారు.
"మా విజ్ఞప్తిని స్వీకరించి 'భీమ్లానాయక్'ను వాయిదా వేసినందుకు పవన్కల్యాణ్, సితార ఎంటర్టైన్మెంట్స్కు హృదయపూర్వక కృతజ్ఞతలు. ఫిబ్రవరి 25న విడుదల కానున్న మీ చిత్రానికి ఆల్ ది బెస్ట్"
-యూవీ క్రియేషన్స్.
కాగా, ఎన్టీఆర్, రామ్చరణ్ ప్రధాన పాత్రల్లో నటించిన 'ఆర్ఆర్ఆర్' జనవరి 7న ప్రేక్షకుల ముందుకు రానుండగా, ప్రభాస్ 'రాధేశ్యామ్' జనవరి 14న రిలీజ్ కానుంది. 'భీమ్లా నాయక్' శివరాత్రి కానుకగా ఫిబ్రవరి 25న విడుదల కానుంది.
ఇదీ చూడండి: సంక్రాంతి రేసు నుంచి 'భీమ్లా నాయక్' ఔట్.. కొత్త రిలీజ్ డేట్ ఇదే
