'బాహుబలి' సిరీస్... తెలుగు సినిమాను అంతర్జాతీయ స్థాయికి చేర్చింది. ఎన్నో సరికొత్త రికార్డులను నమోదు చేసింది. అయితే తొలి భాగం విడుదలయ్యాక అందులోని కిలికి భాష గురించి ఎక్కువ మంది మాట్లాడుకున్నారు. విలన్ కాలకేయ చెప్పిన డైలాగ్లు అనుకరిస్తూ వీడియోలను చేశారు. ఇప్పుడు ఆ భాషను అందరూ నేర్చుకునేలా ప్రత్యేక వెబ్సైట్ను రూపొందించారు. 'బాహుబలి' దర్శకుడు రాజమౌళి.. మాతృభాష దినోత్సవం సందర్భంగా నేడు దీనిని ఆవిష్కరించాడు. అనంతరం ఆ ఫొటోను ట్వీట్ చేశాడీ డైరెక్టర్.
'బాహుబలి' సిరీస్లోని 'కిలికి' భాష కల్పితమైంది. తమిళ ప్రసిద్ధ గీత రచయిత, స్క్రీన్ రైటర్ మదన్ కార్కీ రూపొందించాడు. మనం రోజూవారీ వినియోగించే పదాల్లో నుంచి దీని కోసం 3 వేల పదాలను సృష్టించారు. 2013 నుంచి ఈ భాషపై పరిశోధన చేస్తున్న కార్కీ.. కిలికి కోసం 22 అక్షరాలతో ప్రత్యేక వర్ణమాలను తయారు చేశాడు. ఈ భాషకు శబ్దాలు, చిహ్నాలే ఆధారం. కార్కీ రీసెర్చ్ ఫౌండేషన్, లిఫో బృందం ట్రాన్స్కిప్ట్ను తయారు చేసింది.
'కిలికి' భాష సైట్ లింక్: ఇక్కడ క్లిక్ చేయండి
