హాలీవుడ్ నటి అన్నా హాత్వే.. ప్రముఖ దర్శకుడు క్రిస్టోఫర్ నోలాన్ గురించి ఆసక్తికర విషయాలు చెప్పింది. అతడు షూటింగ్లో స్పాట్లో కుర్చీలు అసలు ఉండనీయడని తెలిపింది. అవి ఉంటే పనిచేసేవాళ్లు కాస్త వాటిలో కూర్చొని విశ్రాంతి తీసుకుంటారనేది అతడి అభిప్రాయమని వెల్లడించింది. పనివేళల్లో సెల్ఫోన్లను కూడా అనుమతివ్వడని చెప్పింది.
"షూటింగ్ స్పాట్లో నోలన్ కుర్చీలు ఉండనివ్వరు. నటీనటులు సిబ్బందిని అస్సలు కూర్చోనివ్వడు. అవి ఉంటే పనిచేసేవారు కాస్త దానిని మానేసి తాపీగా కూర్చొని కబుర్లు చెప్పుకుంటారని అతడి అభిప్రాయం"
-అన్నా హాత్వే, హాలీవుడ్ నటి
క్రిస్టోఫర్ నోలన్ సినిమాల్లో సాంకేతిక, సందేశాత్మక అంశాలు ఉంటాయని కితాబిచ్చింది అన్నా. అతడో వైవిధ్యమైన దర్శకుడని ప్రశంసించింది.
క్రిస్టోఫర్ దర్శకత్వంలో 'ది డార్క్ నైట్ రైజస్', 'ఇంటర్స్టెల్లర్' సినిమాల్లో నటించింది అన్నా. ప్రస్తుతం సైన్స్ ఫిక్షన్ నేపథ్య కథతో 'టెనెట్'ను తెరకెక్కించారు నోలాన్. కరోనా ప్రభావంతో వాయిదా పడుతూ వచ్చిన ఈ చిత్రం.. ఆగస్టు 26న విడుదల కానుంది.
ఇది చూడండి అమెరికా కంటే ముందే భారత్లో ఆ సినిమా విడుదల
