బాలీవుడ్ యువహీరో సుశాంత్ ఆత్మహత్యతో సంబంధమున్న ఆరోపణలతో పలువురు నటీనటుల్ని పోలీసులు ఇప్పటికే ప్రశ్నించారు. ఈ క్రమంలో నేడు, బాంద్రా పోలీస్ స్టేషన్కు చేరుకున్న బాలీవుడ్ ప్రముఖ దర్శకుడు సంజయ్ లీలా భన్సాలీ.. తన స్టేట్మెంట్ను రికార్డు చేశారు.
ఇప్పటికే సుశాంత్ మృతితో సంబంధమున్న 28 మంది వ్యక్తులను ప్రశ్నించి, ఆ సమాచారాన్ని రికార్డు చేశారు బాంద్రా పోలీసులు. ఈ నటుడు ఎందుకు సుసైడ్ చేసుకున్నాడో తెలుసుకునేందుకు తీవ్రంగా ప్రయత్నిస్తున్నారు.
జున్ 14న సొంత అపార్ట్మెంట్లో ఉరి వేసుకోవడం వల్ల మరణించాడు సుశాంత్. అయితే బాలీవుడ్లోని నెపోటిజమ్ ఈ ఘటనకు ప్రధాన కారణమని, పలువురు సెలబ్రిటీలు, నెటిజన్లు అంటున్నారు.
శుద్ద్ దేశీ రొమాన్స్, రబ్తా, చిచ్చోరే, కేదార్నాథ్, సోన్చిరియా లాంటి సినిమాలతో ఆకట్టుకున్న సుశాంత్.. ధోనీ బయోపిక్తో సినీ వీక్షకులతో పాటు క్రీడా ప్రేమికుల మనసుల్లో చోటు సంపాదించాడు.
