'ఆర్.ఎక్స్ 100' ఫేమ్ కార్తికేయ నటించిన చిత్రం 'గుణ 369'. ఇందులోని "ఉదయించిన వేకువలోన.. నయనంలో తొలికలవై" అంటూ సాగే గీతాన్ని ప్రముఖ నిర్మాత దిల్రాజు విడుదల చేశారు. 'ఆర్.ఎక్స్ 100'లానే 'గుణ 369' పెద్ద హిట్ కావాలని కోరుకుంటున్నట్లు చెప్పారు.
"ఇది మంచి మెలోడీ ఫీల్ గుడ్ సాంగ్‌. అంద‌రికీ న‌చ్చుతుంది. క‌మ‌ల్‌హాస‌న్‌ 'గుణ', బాల‌కృష్ణ 'ఆదిత్య 369' సినిమాల టైటిల్స్ స‌గం స‌గం క‌లిపి ఈ చిత్రానికి 'గుణ 369' టైటిల్ పెట్టారు. 369 అంటే ఏంటో ట్రైల‌ర్‌ చూడ‌గానే అర్థ‌మైంది. కార్తికేయ తొలి చిత్రం 'ఆర్.ఎక్స్ 100'లా ఇదీ పెద్ద హిట్ కావాలని మ‌న‌స్ఫూర్తిగా కోరుకుంటున్నాను" - దిల్రాజు, ప్రముఖ నిర్మాత
"వెండితెరపై ఇలాంటి క‌థ ఇంతకు ముందు రాలేదు. అలాంటి ఒరిజినాలిటీ ఇందులో ఉంది. య‌థార్థ ఘ‌ట‌న‌ల ఆధారంగా ఈ సినిమాను తెర‌కెక్కించాం." -అర్జున్ జంధ్యాల, చిత్ర దర్శకుడు
ఈ సినిమాలో అనఘ హీరోయిన్గా నటించింది. శ్రవణ్ భరద్వాజ్ సంగీతమందించాడు. అర్జున్ జంధ్యాల దర్శకుడు. ఆగస్టు 2న ప్రేక్షకుల ముందుకు రానుందీ చిత్రం.
ఇది చదవండి: హ్యాట్రిక్ కోసం`గుణ 369`గా వస్తున్న కార్తికేయ
