కరోనా సెకండ్ వేవ్ కారణంగా ఎందరో బాలీవుడ్ సెలబ్రిటీలు వైరస్ బారిన పడుతున్నారు. ఇప్పుడు స్టార్ హీరోయిన్ దీపికా పదుకొణె కుటుంబం కొవిడ్ బారిన పడింది. ఆమె తండ్రి ప్రకాశ్ పదుకొణె (మాజీ బ్యాడ్మింటన్ ప్లేయర్), తల్లి ఉజాలా, సోదరి అనిశా పదుకొణెలకు పాజిటివ్గా తేలింది. ఈ విషయాన్ని బ్యాడ్మింటన్ అకాడమీ డైరెక్టర్ విమల్ కుమార్ తెలిపారు.
పదిరోజుల కిందట దీపిక ఇంట్లో వారందరికీ స్వల్ప లక్షణాలు కనిపించాయని, దీంతో వారు పరీక్షలు చేయించుకోగా పాజిటివ్గా తేలిందని విమల్ వెల్లడించారు. వారందరూ స్వీయనిర్బంధంలోకి వెళ్లినట్లు చెప్పారు. అయితే ప్రకాశ్కు మాత్రం జ్వరం తగ్గకపోవడం వల్ల ఇటీవల ఆస్పత్రిలో చేరినట్లు తెలిపారు. మిగతావారు ఇంట్లోనే ఐసోలేషన్లో ఉన్నట్లు స్పష్టం చేశారు.
