జాన్ అబ్రహం, హృతిక్ రోషన్, ఆమిర్ ఖాన్ వంటి దిగ్గజ నటులను విలన్ పాత్రల్లో చూపిన 'ధూమ్' సిరీస్ కొత్త సీక్వెల్తో మరో ప్రయోగం చేయబోతోంది. ఈ ఫ్రాంచైజీలో రానున్న నాలుగో చిత్రంలో బాలీవుడ్ భామ దీపికా పదుకొణెను విలన్గా చూపించనున్నట్లు సమాచారం. ఇందుకోసం యశ్ రాజ్ ఫిలింస్ సన్నాహాలు చేస్తున్నట్లు తెలుస్తోంది.
'ధూమ్ 4'లో విలన్ పాత్ర పోషించాలని నిర్మాణ సంస్థ దీపికను కోరిందట. అయితే వరుస సినిమాలతో బిజీగా ఉన్నా.. ఈ చిత్రంలో నటించేందుకు దీపిక ఆసక్తితో ఉన్నట్లు తెలిసింది.
ఈ సీక్వెల్లో నటిస్తే.. దీపికా పదుకొణె మొత్తం కెరీర్లో నెగటివ్ పాత్ర పోషించే మొదటి సినిమా ఇదే కానుంది. ప్రస్తుతం ఈ బాలీవుడ్ భామ వరుస చిత్రాలతో బిజీగా ఉంది. శకున్ బత్రా దర్శకత్వంలో తెరకెక్కుతోన్న ఓ చిత్రంలో సిద్ధాంత్ చతుర్వేది, అనన్యా పాండేలతో కలిసి నటిస్తోంది. ప్రభాస్ కథానాయకుడుగా తెరకెక్కనున్న పాన్ ఇండియా చిత్రంలోనూ దీపికా హీరోయిన్గా చేస్తోంది. అట్లీ దర్శకత్వంలో రానున్న ఓ సినిమాలో ఈ నటి ప్రధాన పాత్ర పోషించనున్నట్లు సినీ వర్గాలు చెబుతున్నాయి.
ఇదీ చదవండి:కుటుంబంతో హైదరాబాద్ వచ్చిన ఐష్
