బాలీవుడ్ హీరోయిన్ దీపికా పదుకొణె ప్రధాన పాత్రలో దర్శకుడు షకున్ బాత్రా ఓ సినిమా తెరెక్కిస్తున్నాడు. ఈ షూటింగ్ కోసం ఇప్పటికే దీపిక సెట్స్లోకి అడుగుపెట్టింది. ఈ క్రమంలోనే ఇన్స్టాగ్రామ్ వేదికగా దీపిక షేర్ చేసిన ఓ పోస్ట్ సినిమాపై ఆసక్తిని రేకెత్తిస్తోంది. మరో మూడు రోజుల్లో సర్ప్రైజ్ ఇవ్వబోతున్నామంటూ అభిమానులతో పంచుకుందీ భామ. కాగా సినిమాలో నటించేవారి గురించి తప్ప.. ఇప్పటివరకు చిత్రబృందం నుంచి ఎటువంటి సమాచారం లేదు. దీంతో ఆ సర్ప్రైజ్ ఏంటా అని నెటిజన్లు ఆసక్తిగా ఎదురుచూస్తున్నారు.
ఈ ఏడాది పారంభంలో 'ఛపాక్' చిత్రంలో విభిన్న పాత్ర పోషించి అలరించింది దీపిక. ఆమె భర్త రణ్వీర్ సింగ్ నటించిన '83'లో కూడా కనిపించనుంది. నాగ్ అశ్విన్ దర్శకత్వంలో ప్రభాస్ హీరోగా తెరకెక్కుతోన్న సినిమాలోనూ నటించనుంది.
