2021కు గానూ ఉత్తమ నటులుగా బాలీవుడ్ స్టార్స్ అక్షయ్కుమార్, దీపికా పదుకొణెకు ప్రతిష్ఠాత్మక దాదా సాహెబ్ ఫాల్కే అవార్డు వరించింది. అక్షయ్(లక్ష్మీ బాంబ్), దీపికా(ఛపాక్) సినిమాలోని నటనకుగానూ ఈ అవార్డును అందజేసినట్లు తెలిపారు. వీరితో పాటు కియారా అడ్వాణీ(క్రిటిక్స్ బెస్ట్ యాక్ట్రెస్), సుస్మితా సేన్(బెస్ట్ యాక్ట్రెస్-వెబ్సిరీస్) ఈ పురస్కారాన్ని అందుకున్నారు. 'క్రిటిక్స్ బెస్ట్ యాక్టర్' విభాగంలో ఈ పురస్కారాన్ని దివంగత నటుడు సుశాంత్కు ప్రకటించారు.
దాదా సాహెబ్ ఫాల్కే అంతర్జాతీయ ఫిల్మ్ ఫెస్టివల్ అవార్డుల వేడుకను 2012 నుంచి నిర్వహిస్తున్నారు. ఈ పురస్కారానికి అనిల్ మిశ్రా ఆద్యుడు. దేశంలో అత్యున్నత సినీ పురస్కారంగా పరిగణించే ఈ అవార్డుల వేడుకను భారతీయ సినీ అతిరథ మహారథుల సమక్షంలో జరుపుతారు. కానీ ఈ ఏడాది వర్చువల్ రూపంలో ఈ అవార్డుల ప్రదానోత్సవ కార్యక్రమం జరిగింది.
ఇదీ చూడండి: 'ఫాల్కే'కు వచ్చిన ఆలోచనే నేటి సినిమాకు మూలాలు
