బాలీవుడ్ యంగ్హీరో సుశాంత్ సింగ్ ఆత్మహత్య కేసులో సినీ ప్రముఖుల విచారణ ముమ్మరంగా సాగుతోంది. తాజాగా హీరోయిన్ కంగనా రనౌత్ విచారణకు హాజరు కావాల్సిందిగా ముంబయి పోలీసులు సమన్లు జారీ చేయనున్నారు. అందుకు సంబంధించిన దస్త్రాలను సిద్ధం చేస్తున్నారు. ఈ విషయాన్ని అధికారులు వెల్లడించారు. విచారణ విషయంలో పోలీసులు సరైన స్పష్టత ఇవ్వట్లేదని కంగనా సోదరి రంగోలి కొన్ని స్క్రీన్ షాట్లను బయటపెట్టిన అనంతరం.. అధికారులు ఈ చర్యకు పూనుకుంటున్నట్లు తెలుస్తోంది.
సుశాంత్ మరణించినప్పటి నుంచి అతడి మద్దతుగా నిలుస్తోంది కంగనా. చిత్రసీమలో బంధుప్రీతి వల్లే అతడు అఘాయిత్యానికి పాల్పడ్డాడని ఆరోపించింది. దీనికి సంబంధించిన పలు దృశ్య సందేశాలను సామాజిక మాధ్యమాల వేదికగా పోస్ట్ చేసింది.
ఇప్పటికే సుశాంత్ కేసు విచారణలో భాగంగా యశ్రాజ్ ఫిల్మింస్ అధినేత ఆదిత్య చోప్రా, దర్శకుడు సంజయ్ లీలా భన్సాలీ సహా 39 మంది వ్యక్తుల వాంగ్ములాలను సేకరించారు పోలీసులు.
ఇది చూడండి : సుశాంత్ కేసులో పోలీస్ స్టేషన్కు ఆదిత్యా చోప్రా
