ప్రధాని మోదీ ఎన్నికల ప్రచారంలో 'చౌకీదార్' అనే పదం బాగా ఉపయోగించి ప్రజలను ఆకట్టుకున్నారు. అపూర్వమైన విజయం సాధించిన తర్వాత మోదీ, పార్టీనాయకులు చౌకీదార్ అనే పదం ట్విట్టర్ నుంచి తొలగించారు.
ప్రస్తుతం ఈ పదం మళ్లీ కన్నడ నాట వినిపిస్తోంది. ఈ టైటిల్తో కన్నడలో ఓ సినిమా నిర్మించేందుకు సిద్ధమయ్యారు దర్శకుడు చంద్రశేఖర్ బండియప్ప.
తారకాసుర, రథావర చిత్రాలను తెరకెక్కించిన దర్శకుడు చంద్రశేఖర్... తాజాగా చౌకిదార్ పేరుతో సినిమా చేసేందుకు సిద్ధమయ్యారు. ఇప్పటికే ఈ పేరును కన్నడ ఫిల్మ్ఛాంబర్లో నమోదు చేసుకున్నారు. ఈ సినిమా ఆగస్టులో సెట్స్పైకి వెళ్లే అవకాశం ఉంది. ప్రధాని మోదీ గురించిన విశేషాలతో సినిమా నేపథ్యం ఉంటుందని పేర్కొన్నారు దర్శకుడు చంద్రశేఖర్. ఇందులో గోల్డెన్ స్టార్ గణేష్ నటించే అవకాశం ఉంది. నిర్మాత, హీరోయిన్ ఎవరనేది త్వరలోనే వెల్లడించనున్నారు.
