''ఆచార్య'లో చిరు పాత్ర.. మీపై ప్రభావం చూపిస్తుంది'

అగ్రకథానాయకుడు చిరంజీవితో తీస్తున్న 'ఆచార్య' గురించి మాట్లాడారు దర్శకుడు కొరటాల శివ. తన స్టైల్​తో పాటు చిరు ఇమేజ్​కు తగ్గ కథతో​ సినిమా తీయనున్నట్లు తెలిపారు.

'ఆచార్య'లోని మెగాస్టార్ చిరంజీవి పాత్ర.. ప్రేక్షకులపై ప్రభావం చూపిస్తుందని అంటున్నారు దర్శకుడు కొరటాల శివ. ఆయన దర్శకత్వంలో ఈ సినిమా తెరకెక్కుతోంది. ఇప్పటికే 40 శాతానికి పైగా చిత్రీకరణ పూర్తయింది. ప్రస్తుతం లాక్​డౌన్​ కారణంగా నిలిచిపోయింది. అయితే తాజాగా జరిగిన ఓ ఇంటర్వ్యూలో మాట్లాడిన కొరటాల.. చిత్ర విశేషాలను పంచుకున్నారు.

తను స్టైల్​కు తగ్గట్లు సామాజిక అంశం, వినోదం... చిరు మాస్​ ఇమేజ్​కు సరితూగేలా ఈ సినిమాను రూపొందిస్తున్నట్లు చెప్పారు కొరటాల. మెగాస్టార్​ నటిస్తున్న పవర్​ఫుల్​ పాత్ర, ప్రేక్షకులపై తప్పకుండా ప్రభావం చూపుతుందని అన్నారు.

ఇందులో నక్స్​లైట్ నుంచి ప్రొఫెసర్​గా మారిన​ పాత్రలో కనిపించనున్నారు చిరంజీవి. యువహీరో రామ్​చరణ్​ ప్రత్యేక పాత్ర పోషించనున్నాడు. కాజల్ హీరోయిన్. మణిశర్మ సంగీతమందిస్తున్నారు. కొణిదెల ప్రొడక్షన్స్, మ్యాట్నీ ఎంటర్​టైన్​మెంట్స్ సంయుక్తంగా నిర్మిస్తున్నాయి.