మెగాస్టార్ చిరంజీవి.. ఫ్యాన్స్ను ఫుల్ ఖుష్ చేసేందుకు సిద్ధమవుతున్నారు. 'ఆచార్య' షూటింగ్ దాదాపు పూర్తి చేసిన ఆయన.. ఇప్పుడు 'లూసిఫర్' రీమేక్ చిత్రీకరణకు రెడీ అయిపోయారు. ఈ షూట్ శుక్రవారం నుంచి లాంఛనంగా ప్రారంభం కానున్నట్లు ప్రకటించారు.
ఈ సినిమా కోసం తమన్ ఇప్పటికే అదిరిపోయే ట్యూన్స్ సిద్ధం చేశారట. అవి మెగా అభిమానుల్ని అలరించనున్నాయని తెలుస్తోంది. ఈ క్రమంలోనే దర్శకుడు మోహన్రాజా, తమన్ను కలిసిన చిరు.. వాళ్లతో కలిసి ఫొటో దిగారు. దానిని సోషల్ మీడియాలో పోస్ట్ చేశారు.
ఇటీవల సరికొత్త లుక్లో కనిపించిన చిరు.. ఫ్యాన్స్ను ఆశ్చర్యంలో ముంచెత్తారు. ఆ లుక్ 'లూసిఫర్' రీమేక్ కోసమేనని తెలుస్తోంది. అయితే ఇందులో నటించే ఇతర నటీనటులు ఎవరు అనేది తెలియాల్సి ఉంది.
మలయాళ సూపర్హిట్ 'లూసిఫర్'. ఈ పొలిటికల్ డ్రామాలో మోహన్లాల్, మంజు వారియర్, వివేక్ ఒబెరాయ్ ప్రధాన పాత్రల్లో నటించారు. మరి తెలుగులో ఏ మేరకు అలరిస్తుందో చూడాలి.
ఇవీ చదవండి:
