హాస్యనటి, సహాయనటిగా ఎన్నో తెలుగు చిత్రాల్లో నటించి ప్రేక్షకులకు చేరువైన అలనాటి నటి పావలా శ్యామల ప్రస్తుతం ఆర్థిక ఇబ్బందులు ఎదుర్కొంటున్నారు. ఈ విషయాన్ని తెలుసుకున్న మెగాస్టార్ చిరంజీవి మరోసారి సాయం చేసేందుకు ముందుకొచ్చారు. మూవీ ఆర్టిస్ట్ అసోసియేషన్ (మా) తరఫున ఆర్థిక సహాయాన్ని చేశారు. 'మా'లో సభ్యత్వం నిమిత్తం రూ.1,01,500(ఒక లక్షా 15 వందల రూపాయలు) సాయంగా ఇచ్చారు.
ఆ చెక్ను మా సభ్యులైన కరాటే కల్యాణి, సురేశ్ కొండేటి పావలా శ్యామలాకు స్వయంగా అందించారు. 'మా' అసోసియేషన్లో సభ్యత్వం తీసుకున్న తర్వాత ఆమెకు నెలనెలా రూ.6 వేల పెన్షన్తో పాటు రూ.3 లక్షల ఇన్సూరెన్స్కు అర్హురాలు కానుంది.
"గతంలో నా కుమార్తెకు చికిత్స కోసం చిరంజీవి గారు రూ.2 లక్షల సాయం చేశారు. అప్పుడు సినీ పరిశ్రమలో ఎవ్వరూ సాయం చేయలేదు. ఆ తర్వాత ఇప్పుడు మళ్లీ లక్షా పదిహేను వేల రూపాయలను చెక్ రూపంలో అందించి.. నెలనెలా రూ.6 వేల పెన్షన్ వచ్చేందుకు సహాయపడ్డారు. చిరంజీవి గారికి మనస్ఫూర్తిగా ధన్యవాదాలు. ఆయన చేసిన మేలు ఎన్నటికీ మర్చిపోలేను. ఎప్పటికీ రుణపడి ఉంటాను".
- పావలా శ్యామల, సహాయ నటి
మూవీ ఆర్టిస్ట్ అసోసియేషన్లో సభ్యత్వం తీసుకున్న ప్రతి సీనియర్ ఆర్టిస్ట్కు నెలనెలా రూ.6 వేల చొప్పున పెన్షన్ అందుతుంది. కరోనా కష్టకాలంలో ఇది అందరికీ వరంలా మారింది. దీంతో పాటు అసోసియేషన్లోని సభ్యులకు మెడికల్ ఇన్యూరెన్స్ సదుపాయం కూడా ఉంది.
ఇదీ చూడండి.. ఆర్థిక ఇబ్బందుల్లో హాస్యనటి పావలా శ్యామల
