ప్రతి ఏడాది బారతీయ సినీ పరిశ్రమలోకి కొత్త అందాలు వస్తూనే ఉంటాయి. ఉత్తరాది, దక్షిణాది ఏ ప్రాంతమైనా కొందరు హీరోయిన్లు అరంగేట్రంలోనే అదరగొట్టిన వారు ఉన్నారు. ఆ తర్వాత వరుస అవకాశాలతో స్టార్ హోదా సంపాదించుకున్నారు. అలాగే ఈ ఏడాది కూడా కొంతమంది తారలు బాలీవుడ్లో సత్తాచాటేందుకు ఉవ్విళ్లూరుతున్నారు. అరంగేట్ర సినిమాతోనే అదరగొట్టాలని భావిస్తున్నారు. ఈ నేపథ్యంలో 2021లో హిందీ సినీ పరిశ్రమలో అడుగుపెట్టబోతున్న హీరోయిన్లు ఎవరో చూద్దాం.
ఇసాబెల్లే కైఫ్
బాలీవుడ్ స్టార్ హీరోయిన్ కత్రినా కైఫ్ సోదరిగా బాలీవుడ్లో అడుగుపెట్టింది ఇసాబెల్లే కైఫ్. సూరజ్ పంచోలీ హీరోగా తెరకెక్కిన 'టైమ్ టూ డ్యాన్స్' చిత్రంతో ఈనెల ప్రారంభంలో థియేటర్లలో సందడి చేసింది. ప్రస్తుతం పుల్కిత్ సామ్రాట్తో 'సుస్వాగతం ఖుషమ్డీడ్', ఆయుష్మాన్ ఖురానాతో 'క్వాతా' వంటి చిత్రాల్లో నటిస్తోంది.
పాలక్ తివారి
ప్రముఖ టెలివిజన్ నంటి శ్వేతా తివారి కుతూరు పాలక్ తివారి. 'రోసీ: ద సాఫ్రాన్ చాప్టర్' అనే చిత్రంతో బాలీవుడ్లో అరంగేట్రం చేయనుంది. ఇందులో వివేక్ ఒబేరాయ్ హీరో.
మానుషీ చిల్లర్
2019లో తన బాలీవుడ్ అరంగేట్రం గురించి వెల్లడించింది మాజీ మిస్ వరల్డ్ మానుషీ చిల్లర్. అక్షయ్ కుమార్ హీరోగా తెరకెక్కుతోన్న 'పృథ్వీరాజ్' చిత్రంలో హీరోయిన్గా చేస్తున్నట్లు ప్రకటించింది. ఇందులో ప్రిన్సెస్ సాన్యోగత పాత్రలో కనిపించనుంది మానుషి.
షాలినీ పాండే
'అర్జున్ రెడ్డి' ఫేమ్ షాలినీ పాండే బాలీవుడ్లో అడుగుపెట్టబోతుంది. రణ్వీర్ సింగ్ హీరోగా యశ్రాజ్ ఫిలింస్ బ్యానర్లో తెరకెక్కబోతున్న 'జయేశ్భాయ్ జోర్దార్' చిత్రంలో హీరోయిన్గా చేస్తోంది.
రష్మికా మందనా
ఇప్పటికే తెలుగు, తమిళ, కన్నడ సినిమాలతో దక్షిణాదిలో పాపులర్ అయిన రష్మికా మందనా బాలీవుడ్లో అడుగుపెట్టేందుకు సిద్ధమైంది. ఈ అమ్మడు సిద్దార్థ్ మల్హోత్రా హీరోగా తెరకెక్కుతోన్న 'మిషన్ మజ్ను' చిత్రంలో హీరోయిన్గా చేస్తోంది.
షర్వారీ వా
'బంటీ ఔర్ బబ్లీ 2' చిత్రంతో బీ టౌన్లో అరంగేట్రం చేయనుంది షర్వారీ వా. ఇందులో సిద్దాంత్ చతుర్వేది, సైఫ్ అలీ ఖాన్, రాణీ ముఖర్జీ కీలక పాత్రలు పోషిస్తున్నారు.
ప్రణీత సుభాష్
'భుజ్: ది ప్రైడ్ ఆఫ్ ఇండియా' చిత్రంతో హిందీ సినీ పరిశ్రమలో తన అదృష్టాన్ని పరీక్షించుకోనుంది దక్షిణాది స్టార్ ప్రణీత సుభాష్. అజయ్ దేవగణ్ హీరోగా నటిస్తోన్న ఈ చిత్రంతో పాటు 'హంగామా 2'లో సందడి చేయనుందీ భామ.
కీర్తి సురేశ్
తమిళ్, తెలుగు, మలయాళంలో స్టార్ హీరోయిన్గా వెలుగొందుతోంది కీర్తి సురేశ్. తాజాగా బాలీవుడ్లోను తన అదృష్టాన్ని పరీక్షించుకునేందుకు సిద్ధమవుతోంది. అజయ్ దేవగణ్ హీరోగా నటిస్తోన్న 'మైదాన్' చిత్రంలో హీరోయిన్గా చేస్తోందీ ముద్దుగుమ్మ.
