'దంగల్' సినిమాతో భారతీయ చిత్ర పరిశ్రమతో పాటు, ఇతర దేశాల్లోనూ గొప్ప గుర్తింపు పొందిన కథానాయకుడు ఆమిర్ఖాన్. తాజాగా ఈ బాలీవుడ్ నటుడు నటిస్తోన్న చిత్రం 'లాల్ సింగ్ చద్దా'. ఈ సినిమా ఫస్ట్ లుక్ ఈ రోజు విడుదలైంది. సింగ్ లుక్కులో ఆమిర్ ఆకట్టుకుంటున్నాడు.
వయాకామ్ 18 మోషన్ పిక్చర్స్, ఆమిర్ఖాన్ సంయుక్తంగా ఈ సినిమా నిర్మిస్తున్నారు. ఈ మూవీలో యువకుడి పాత్ర కోసం ఆమిర్ 20కిలోలు తగ్గారట. ఇందులో బాలీవుడ్ ఖాన్ త్రయం... ఆమిర్, షారుఖ్, సల్మాన్ కలిసి నటించనున్నారని బాలీవుడ్ మీడియా సమాచారం.
అద్వైత్ చందన్ దర్శకత్వం వహిస్తున్న ఈ సినిమాలో కరీనా కపుర్ కథానాయిక. వచ్చే ఏడాది క్రిస్మస్కు ఈ చిత్రాన్ని ప్రేక్షకుల ముందుకు తీసుకొచ్చేందుకు చిత్రబృందం సన్నాహాలు చేస్తోంది.
1994లో హాలీవుడ్లో విడుదలైన 'ఫారెస్ట్ గంప్' సినిమా రీమేక్గా ఈ చిత్రం రూపొందిస్తున్నారు. అమెరికన్ ప్రముఖ నటుడు టామ్ హ్యాంక్స్ ఈ సినిమాలో నటించి మెప్పించాడు.
ఇదీ చూడండి:ముంబయిలో అదిరిన హాలీవుడ్ గాయనుల సందడి
