'మహిళా శాస్త్రవేత్త అనగానే చేయాలనిపించింది'

బాలీవుడ్​ నటి విద్యాబాలన్​ త్వరలో 'శకుంతల దేవి' చిత్రంతో ప్రేక్షకుల ముందుకు రానుంది. ఈ క్రమంలోనే సినిమాను చేయడానికి గల కారణాలపై ఆసక్తికర విషయాలు పంచుకుంది.

"కొన్ని కథలు మనల్ని వెంటనే ఆకర్షిస్తాయి. వినగానే చేయాలనిపిస్తాయి. అలాంటి కథల్లో ఒకటి 'శకుంతల దేవి" అని చెబుతోంది బాలీవుడ్​ నటి విద్యాబాలన్​. ఆమె ఎక్కువగా బయోపిక్​లు, వాస్తవ కథాంశాలతో తెరకెక్కుతున్న చిత్రాలతో ప్రేక్షకుల ముందుకు వస్తుంటుంది. తాజాగా 'శకుంతల దేవి'లో నటింటింది. ఈ క్రమంలోనే మీడియాతో మాట్లాడుతూ.. సినిమాకు సంబంధించిన కొన్ని ఆసక్తికర విశేషాలను పంచుకుంది.

"దర్శకురాలు అనూమేనన్​ నా దగ్గరికి వచ్చి నేను శకుంతల దేవి జీవిత చరిత్రను తెరకెక్కించాలనుకుంటున్నట్లు చెప్పింది. అప్పటికే ఆ గణిత శాస్త్రవేత్త గురించి నాకు తెలుసు. నాకు ఆసక్తి పెరిగింది. ఆమె గిన్నిస్​ రికార్డు సాధించింది. ఎన్నో పుస్తకాలు రచించింది. హోమోసెక్సువాలిటీ మీద పుస్తకం రాసి సాహసం చేసింది. ఇవన్నీ రెండు గంటల సినిమాలో చూపించబోతున్నాం. మేం కొన్ని నిజాలను స్వేచ్ఛ తీసుకొని సృజనాత్మకంగా చూపించాం."

విద్యాబాలన్​, సినీ నటి

మీరు లెక్కలు చాలా వేగంగా చేయగలరా అని ఒకరు అడగ్గా.. "ఇప్పుడు ఎవరూ మెదడుతో లెక్కలు చేయడం చేయడంలేదు. ప్రతిదాన్ని ఫోన్​తోనే చేస్తున్నారు. నేను ఈ సినిమాను ఆస్వాదించా. చాలా సంఖ్యలు, కిటుకులు వేద గణితం వంటివి నేర్చుకున్నా. నేను చిన్నప్పటి నుంచి గణితంలో ఫర్వాలేదు." అని విద్యాబాలన్​ చెప్పుకొచ్చింది.

ఈ సినిమా జులై 31న అమెజాన్​ ప్రైమ్​ ద్వారా ప్రేక్షకుల ముందుకు రానుంది.

• " class="align-text-top noRightClick twitterSection" data="">