ప్రపంచంలో అత్యధికంగా ఆర్జిస్తున్న సినీ ప్రముఖుల జాబితాను మంగళవారం విడుదల చేసింది ఫోర్బ్స్ సంస్థ. బాలీవుడ్ నటుడు అక్షయ్ కుమార్.. అందులో టాప్-10లో చోటు దక్కించుకున్నారు. సినిమాలతో పాటు బ్రాండ్లకు ప్రచారకర్తగా వ్యవహరిస్తున్న ఆయన.. ఏడాదికి రూ.362.94 కోట్ల సంపాదనతో జాబితాలో ఆరో ర్యాంక్లో నిలిచారు.
అయితే ప్రపంచవ్యాప్తంగా అత్యధిక పారితోషకం పొందుతున్న నటుల జాబితాలో మాజీ రెజ్లర్, హాలీవుడ్ హీరో డ్వేన్ జాన్సన్ తొలిస్థానాన్ని ఆక్రమించారు. అతడు ఏడాదిలో రూ.644.8 కోట్లను ఆర్జించినట్లు ఫోర్బ్స్ వెల్లడించింది. రూ.534.94 కోట్ల సంపాదనతో హాలీవుడ్ నటుడు ర్యాన్ రైనాల్డ్స్ ఆ తర్వాతి స్థానంలో ఉండగా.. హాలీవుడ్ నటుడు మార్క్ వాల్బర్గ్ రూ. 433.98 కోట్లతో మూడో స్థానంలో నిలిచారు.
టాప్-6 జాబితా ఇదే..
1) డ్వేన్ జాన్సన్ (రూ.644.8 కోట్లు)
2) ర్యాన్ రైనాల్డ్స్ (రూ. 534.94 కోట్లు)
3) మార్క్ వాల్బర్గ్ (రూ. 433.98 కోట్లు)
4) బెన్ అఫ్లేక్ (రూ.411.53 కోట్లు)
5) విన్ డీజిల్ (రూ. 404.05 కోట్లు)
6) అక్షయ్ కుమార్ (రూ. 362.94 కోట్లు)
