బాలీవుడ్ దిగ్గజ నటుడు అమితాబ్ బచ్చన్ పేరు వినగానే ఆయన రూపం మన కళ్లల్లో మెదులుతుంది. ఆరడుగులకుపైగా ఎత్తు, ఫ్రెంచ్ గడ్డం, కళ్లజోడు, ఆయనకే సొంతమైన విభిన్న గాత్రం గుర్తొస్తాయి. అచ్చుగుద్దినట్టు ఇవే పోలికలతో ఉన్నారు అమితాబ్ వీరాభిమాని శశికాంత్ పెద్వాల్. మహారాష్ట్ర పుణెకు చెందిన ఈయన వృత్తిరీత్యా ఫ్రొపెసర్. మిమిక్రీ షోలూ నిర్వహిస్తారు.
శశికాంత్... అమితాబ్ సినిమాల్లోని అన్ని డైలాగులను అచ్చం ఆయన స్టయిల్లోనే చెప్పడం చూస్తే ఆశ్చర్యపోవాల్సిందే. తనను తాను 'బిగ్బీ' జూనియర్గా చెప్పుకునే శశికాంత్ ఇప్పటివరకు 1000కి పైగా మిమిక్రీ షోలు నిర్వహించి అమితాబ్ అనుకరణతో అదరగొట్టారు. ఓ భోజ్పురి చిత్రంలోనూ నటించారు.
బిగ్బీ డైలాగులతో శశికాంత్ ఈ మధ్యే సామాజిక మాధ్యమాల్లో బాగా పాపులర్ అయ్యారు. ఈయన అమితాబ్ను అనుకరించే తీరు చూసి నెటిజన్లు ప్రశంసల వర్షం కురిపిస్తున్నారు.
