బాలీవుడ్ మెగాస్టార్ అమితాబ్ బచ్చన్, ఆయన కుమారుడు హీరో అభిషేక్ బచ్చన్కు కరోనా సోకిందని తెలియగానే దేశవ్యాప్తంగా ప్రజలు దిగ్భ్రాంతికి గురయ్యారు. పలు నగరాల్లోని ఆయన అభిమానులు వారు త్వరగా కోలుకోవాలని ఆలయాల్లో ప్రత్యేక పూజలు, ప్రార్థనలు చేయడం ప్రారంభించారు. తాజాగా ఈరోజు (జులై 12 అమితాబ్ కోడలు ఐశ్వర్యా రాయ్, మనవరాలు ఆరాధ్యకు కూడా కరోనా పాజిటివ్ అని తేలింది. దీంతో మరింత షాక్కు గురయ్యారు ఫ్యాన్స్.
'మహా మృత్యుంజయ' మంత్రోచ్ఛారణ
బిగ్ బీ కుటుంబం క్షేమంగా ఉండాలని కోరుకుంటూ ఉజ్జయినిలోని మహాంకాళీ గుడిలో శివుని లింగానికి అభిషేకాలు చేశారు అభిమానులు. ఎంతో శక్తివంతమైన 'మహా మృత్యుంజయ' మంత్రోచ్ఛారణను పటిస్తూ ప్రత్యేక పూజలు చేశారు. లఖ్వూలోని అభిమానులంతా కలిసి పలు ఆలయాల్లో బిగ్ బీ కుటుంబం చిత్రాలను పెట్టి మంత్రాలతో వాటికి పూజలు చేశారు. కాన్పూర్ వైభవ్ మాతా గుడిలో భక్తులు భారీగా గుమిగూడి ప్రత్యేక పార్థనలు నిర్వహించారు.
వారణాసి సహా పలు నగరాల్లో కూడా అభిమానులు పూజలు నిర్వహిస్తున్నారు. కరోనా వల్ల ఆలయాలు మూసి ఉన్న చోట తమ ఇళ్లలోనే ప్రార్థనలు కొనసాగిస్తున్నారు కొంతమంది అభిమానులు.
దేశవ్యాప్తంగా సామాన్యులు, సినీ రాజకీయ ప్రముఖులు ప్రతిఒక్కరూ బచ్చన్ కుటుంబం కోసం ప్రార్థనలు చేస్తూ, సామాజిక మాధ్యమాల వేదికగా ట్వీట్లు చేస్తున్నారు.
ఇది చూడండి : బిగ్ బీ, అభిషేక్కు కరోనా- ఆసుపత్రికి తరలింపు
