బాలీవుడ్‌ నటుడు రణ్వీర్ సింగ్ నటుడు కాకపోయి ఉంటే మంచి సెక్సాలజిస్ట్ అయ్యేవాడని నటి భూమి ఫెడ్నేకర్‌ చెప్పింది. నటి నేహా దూఫియా చాట్ షో 'నో ఫిల్టర్‌ నేహా'లో ఈ విషయాన్ని పంచుకుంది.
బాలీవుడ్‌లో సెక్స్ డాక్టర్ అయ్యే నటుడు ఎవరైనా ఉన్నారని భూమిని ప్రశించగా.. "రణ్వీర్ సింగ్ నటుడు కాకపోయి ఉంటే మంచి సెక్స్ డాక్టర్ అయ్యే లక్షణాలు ఉన్నాయి. యష్‌ రాజ్‌ ఫిల్మ్స్ లో(కాస్టింగ్‌ డైరక్టర్‌గా ఉన్న షాను శర్మ దగ్గర) ఉన్నపుడు రణ్వీర్(బ్యాండ్‌ బాజా బరాత్‌) ఆడిషన్‌కు వచ్చారు. అప్పుడే అనుకున్న అతడి శక్తి చాలా అద్భుతమైనది" అని చెప్పింది.
ప్రస్తుతం 'దుర్గావతి' చిత్రంలో నటిస్తోంది. అనుష్క 'భాగమతి'కి రీమేక్‌ ఇది. ఈ ఏడాదిలో మూడు చిత్రాల్లో నటించిందీ భామ. వాటిలో 'బూత్‌ పార్ట్ వన్‌: ది హాంటెడ్‌ షిప్', 'డోలీ కిట్టి ఔర్‌ వో ఛమక్తే సితారే' సినిమాలు ఉన్నాయి.
