Bheemla Nayak: పవర్స్టార్ పవన్కల్యాణ్-రానా దగ్గుబాటి ప్రధాన పాత్రల్లో వచ్చిన 'భీమ్లానాయక్' థియేటర్లలో దుమ్మురేపుతోంది. ఆసక్తికర కథాంశం, రానా-పవన్ల నటన, తమన్ నేపథ్య సంగీతం అభిమానులను ఉర్రూతలూగిస్తోంది. బ్లాక్బస్టర్ టాక్తో దూసుకుపోతున్న ఈ చిత్రానికి త్వరలోనే సీక్వెల్ రానుందనే ఊహాగానాలు వస్తున్నాయి. దీనిపై రానా ఇటీవలే ఓ ఇంటర్వ్యూలో స్పందించారు.
"'భీమ్లానాయక్'కు సీక్వెల్ ఉంటుందని నేనైతే అనుకోను. కథ ఎక్కడ ముగియాలో అక్కడే ముగిసింది." అని రానా తెలిపారు.
'అయ్యప్పనుమ్ కోశియుమ్' రీమేక్గా తెరకెక్కిన ఈ సినిమాలో పవన్ పోలీస్ అధికారిగా నటించారు. రానా కీలకపాత్ర పోషించారు. నిత్యామేనన్, సంయుక్త మేనన్ హీరోయిన్లుగా నటించారు. స్క్రీన్ప్లే-మాటలు త్రివిక్రమ్ అందించగా, సాగర్ కె చంద్ర దర్శకత్వం వహించారు. సూర్యదేవర నాగవంశీ నిర్మించారు.
Bheemla Nayak Collection: ఫిబ్రవరి 25న థియేటర్లలో విడుదలైన ఈ చిత్రం బాక్సాఫీస్ వద్ద కలెక్షన్ల వర్షం కురిపించింది. వారాంతానికి మాత్రం వసూళ్లు భారీగా పడిపోయాయి. తొలి రోజు రూ.26.42 కోట్లు రాబట్టిన ఈ సినిమా.. ఏడో రోజు రూ.98 లక్షల వసూలు చేసింది. ఓవరాల్గా రూ.106.9కోట్ల గ్రాస్ రాబట్టింది.
Bheemla Nayak hindi trailer
మరోవైపు తెలుగులో సూపర్ హిట్ అయిన భీమ్లా నాయక్ను హిందీలో కూడా విడుదల చేయాలని నిర్మాతలు భావిస్తున్నారు. దీని కోసమే ఈ సినిమా హిందీ ట్రైలర్ను కూడా శుక్రవారం విడుదల చేశారు. సినిమా విడుదల తేదీ ఇంకా ప్రకటించాల్సి మంది. మరి బాలీవుడ్లో ఈ సినిమా ఏ స్థాయిలో హిట్టవుతుందో చూడాలి.
- " class="align-text-top noRightClick twitterSection" data="">
ఇదీ చూడండి: మరో రీమేక్లో పవన్.. కీలక పాత్రలో సాయితేజ్!
