Bangarajju movie: కింగ్ నాగార్జున 'బంగార్రాజు' సినిమా నుంచి పార్టీ సాంగ్ ఆఫ్ ది ఇయర్ 'హేయ్ బంగార్రాజు' లిరికల్ గీతం రిలీజైంది. ఇందులో 'జాతిరత్నాలు' ఫేమ్ ఫరియా అబ్దుల్లాతో కలిసి నాగచైతన్య, నాగార్జున మాస్ స్టెప్పులేశారు. శేఖర్ మాస్టర్ ఈ పాటకు కొరియోగ్రఫీ చేశారు.
- " class="align-text-top noRightClick twitterSection" data="">
'సోగ్గాడే చిన్ని నాయన' చిత్రానికి ప్రీక్వెల్గా తెరకెక్కుతున్న ఈ సినిమా షూటింగ్ ప్రస్తుతం శరవేగంగా సాగుతోంది. సంక్రాంతికి లేదా ఆ తర్వాత రిలీజ్ చేయనున్నట్లు తెలుస్తోంది.
తొలి భాగంలో నటించిన నాగార్జున, రమ్యకృష్ణతో పాటు ఈ సినిమాలో నాగచైతన్య, కృతిశెట్టి ప్రధాన పాత్రల్లో కనిపించనున్నారు. అనూప్ రూబెన్స్ సంగీతమందిస్తున్నారు. కల్యాణ్కృష్ణ కురసాల దర్శకత్వం వహిస్తున్నారు. అన్నపూర్ణ స్టూడియోస్ బ్యానర్పై నాగార్జునే స్వయంగా నిర్మిస్తున్నారు.
Megastar Chiranjeevi: మెగాస్టార్ చిరంజీవి చేతుల మీదుగా 'గాడ్సే' టీజర్ రిలీజ్ కానుంది. ఈ విషయాన్ని చిత్రబృందం వెల్లడించింది. సోమవారం మధ్యాహ్నం 12:01 గంటలకు టీజర్ విడుదలవుతుందని పోస్టర్ రిలీజ్ చేసింది. ఈ సినిమాలో సత్యదేవ్ హీరోగా నటిస్తున్నారు. గోపీగణేశ్ దర్శకత్వం వహిస్తున్నారు.
Akhanda movie: బాలయ్య 'అఖండ' మూడో వారంలో విజయవంతంగా ప్రదర్శతమవుతోంది. మాస్ మసాలా ఎంటర్టైనర్గా తెరకెక్కిన ఈ సినిమా ఇప్పటికే రూ.100 కోట్ల వసూళ్ల మార్క్ను దాటేసింది.
బోయపాటి-బాలకృష్ణ.. ఈ సినిమాతో హ్యాట్రిక్ కొట్టారు. ఇంతకు ముందొచ్చిన 'సింహా', 'లెజెండ్'లను మించి ప్రేక్షకుల్ని ఆకట్టుకుంది 'అఖండ'. ఇందులోని బాలయ్య అఘోరా గెటప్, దానికి తోడు ఫైట్లు.. థియేటర్లు దద్దరిల్లిపోయేలా చేస్తున్నాయి.
*ఆది సాయికుమార్ హీరోగా నటిస్తున్న 'అతిథి దేవోభవ' టీజర్ మంగళవారం ఉదయం 10 గంటలకు రిలీజ్ కానున్నట్లు పోస్టర్ రిలీజ్ చేశారు. అలానే దుల్కర్ సల్మాన్ కొత్త సినిమా ఫస్ట్లుక్ను అదే రోజు ఉదయం 11 గంటలకు విడుదల చేయనున్నారు. ఈ ద్విభాషా సినిమాలో కాజల్ అగర్వాల్, అదితీ రావ్ హైదరీ హీరోయిన్లుగా నటిస్తున్నారు. కొరియోగ్రాఫర్ బృంద.. ఈ సినిమాతో డైరెక్టర్గా పరిచయమవుతున్నారు.
*బాలీవుడ్ నటి బిపాసా బసు.. ఇన్స్టాలో 10 మిలియన్ ఫాలోవర్స్ మార్క్ దాటేసింది. ఈ సందర్భంగా ఇన్స్టాగ్రామ్లో వీడియో పోస్ట్ చేసిన ఆమె.. తన అభిమానులకు ధన్యవాదాలు చెప్పింది.
ఇవీ చదవండి:
