నేడు(మే 28) లెజండరీ నటుడు ఎన్టీఆర్ 98వ జయంతి (NTR jayanthi) సందర్భంగా అభిమానులకు నందమూరి నటసింహం బాలకృష్ణ (Balakrishna) ఓ కానుక అందించారు. ఆయనే స్వయంగా పాడిన 'శ్రీరామ దండకం' పాటను సామాజిక మాధ్యమాల వేదికగా విడుదల చేశారు.
- " class="align-text-top noRightClick twitterSection" data="">
ఇప్పటికే తన గాత్రంతో తెలుగు ప్రేక్షకుల్ని ఆకట్టుకున్నారు బాలయ్య. పూరీ జగన్నాథ్ దర్శకత్వంలో ఆయన నటించిన 'పైసా వసూల్' చిత్రంలో 'మామా ఏక్ పెగ్ లా' అంటూ ఓ మాస్ పాట పాడారు. అలాగే సీనియర్ ఎన్టీఆర్ నటించిన 'జగదేక వీరుని కథ' చిత్రంలోని 'శివ శంకరీ' (Shiva Shankari by Balakrishna) పాటను బాలయ్య స్వయంగా ఆలపించారు. ఆ సినిమాలోని వీడియోకు తన గాత్రాన్ని కలిపి విడుదల చేశారు. ఇది కూడా ప్రేక్షకుల్ని ఆకట్టుకుంది.
ఇక ప్రస్తుతం బాలయ్య హీరోగా బోయపాటి శ్రీను దర్శకత్వంలో అఖండ (Akhanda) చిత్రం తెరకెక్కుతోంది. మిరియాల రవీందర్ రెడ్డి నిర్మిస్తోన్న ఈ సినిమాలో ప్రగ్యా జైస్వాల్ హీరోయిన్. తమన్ సంగీతం అందిస్తున్నారు. 'సింహా', 'లెజెండ్' తర్వాత బాలయ్య-బోయపాటి కాంబోలో తెరకెక్కుతోన్న మూడో చిత్రం కావడం వల్ల భారీ అంచనాలు నెలకొన్నాయి. ఇప్పటికే విడుదల చేసిన ఈ మూవీ టీజర్(Akhanda teaser) అభిమానులను ఉర్రూతలూగిస్తోంది.
