బోయపాటి దర్శకత్వంలో నందమూరి బాలకృష్ణ హీరోగా నటించిన 'అఖండ' చిత్రం ఎంతటి ఘనవిజయం సాధించిందో మనందరికి తెలిసిందే. కొవిడ్ సెంకడ్ వేవ్ తర్వాత థియేటర్లకు పూర్వవైభవాన్ని తెచ్చిన చిత్రంగా నిలిచింది. అఖండ విజయవంతంగా ఇటీవలే 50 రోజులు పూర్తిచేసుకుంది. అయితే.. జనవరి 21న ఈ చిత్రం ఓటీటీలో విడుదలైంది. ఓటీటీలోకి వచ్చి 24గంటలు గడవకముందే.. 1మిలియన్ స్ట్రీమింగ్స్ సాధించి అరుదైన రికార్డును నెలకొల్పింది.
ఈ చిత్రానికి బోయపాటి శ్రీను దర్శకత్వం వహించగా, తమన్ సంగీతం అందించారు. ప్రగ్యాజైశ్వాల్‌ కథానాయిక. శ్రీకాంత్, జగపతిబాబు, పూర్ణ తదితరులు కీలక పాత్రలు పోషించారు.
బాలయ్య ప్రస్తుతం గోపిచంద్ మలినేని దర్శకత్వంలో నటిస్తున్నారు. శ్రుతిహాసన్ కథానాయిక. మైత్రీ మూవీ మేకర్స్ సంస్థ ఈ చిత్రాన్ని నిర్మిస్తోంది. మరోవైపు 'అన్స్టాపబుల్ విత్ ఎన్బీకే' టాక్ షోతో ఓటీటీ ప్రేక్షకుల్ని కూడా అలరిస్తున్నారు బాలకృష్ణ.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: సామ్-చైతూ విడాకులు.. ఆ వార్తలు నన్ను బాధించాయి: నాగార్జున
