పవర్​ఫుల్ ఫీచర్లతో రెడ్​మీ నుంచి 5G స్మార్ట్​ఫోన్- టీజర్ చూశారా?

త్వరలో మార్కెట్లోకి రెడ్​మీ నయా స్మార్ట్​ఫోన్- రిలీజ్​కు ముందే ఫీచర్లు లీక్!

Redmi New Smartphone Teaser: దేశీయ మార్కెట్లోకి రెడ్​మీ నుంచి కొత్త స్మార్ట్​ఫోన్ త్వరలో రాబోతుంది. కంపెనీ ఈ స్మార్ట్​ఫోన్​ను ఇండియాతో పాటు గ్లోబల్​గా కూడా రిలీజ్ చేసేందుకు సన్నాహాలు చేస్తోంది. ఈ నేపథ్యంలో తాజాగా ఈ మొబైల్​ టీజర్​ను సోషల్ మీడియా ప్లాట్​ఫారమ్ 'X' వేదికగా అధికారికంగా విడుదల చేసింది. టీజర్​ ప్రకారం.. ఈ స్మార్ట్​ఫోన్ 2025 ప్రారంభంలో లాంఛ్ కానున్నట్లు తెలుస్తోంది.

కంపెనీ ఈ పోస్ట్​లో 'స్టార్ట్​ ది న్యూఇయర్ విత్ ఎ బ్యాంగ్' అని రాసి ఉంది. అందులో '2025G' అనే లేబుల్​తో పిక్చర్​ కూడా ఉంది. ఇది రాబోయే స్మార్ట్​ఫోన్ 5G నెట్​వర్క్​ సపోర్ట్​తో వస్తుందని సూచిస్తుంది. కంపెనీ స్మార్ట్​ఫోన్ పేరును అధికారికంగా ప్రకటించనప్పటికీ, ఇది 'రెడ్​మీ 14C 5G' అని ఊహించొచ్చు.

కెమెరా-సెంట్రిక్ డిజైన్: కంపెనీ రిలీజ్ చేసిన టీజర్​లో స్మార్ట్​ఫోన్ సిల్హౌట్ చూపించారు. ఇది సర్క్యులర్ కెమెరా మాడ్యూల్​ లాగా కన్పిస్తుంది. ఈ డిజైన్​ స్మార్ట్​ఫోన్ ఫొటోగ్రాఫిక్ క్యాపబిలిటీ గురించి స్ట్రాంగ్​గా చెబుతోంది. అందులో #2025G హ్యాష్‌ట్యాగ్‌ని ఉపయోగించడంతో ఇది కచ్చితంగా 5G కనెక్టివిటీతో వస్తుందని తెలుస్తోంది. అంటే ఈ స్మార్ట్​ఫోన్ ఇండియన్ మార్కెట్లో హై-స్పీడ్ కనెక్టివిటీకి పెరుగుతున్న డిమాండ్‌కు అనుగుణంగా ఉంటుంది.

Kick off the New Year with a bang! #2025G is coming your way.

Stay tuned! pic.twitter.com/ieL3J7qzgk

— Redmi India (@RedmiIndia) December 23, 2024

కంపెనీ ఈ ఫోన్ పేరు, ఫీచర్లు, స్పెసిఫికేషన్ల వివరాలను అధికారికంగా ఇంకా రివీల్ చేయలేదు. అయితే ఈ అప్​కమింగ్ స్మార్ట్​ఫోన్ 'రెడ్​మీ 14C 5G' కావచ్చని టిప్​స్టర్ పరాస్ గుగ్లానీ ఒక పోస్ట్‌లో ఊహించారు. ఇది డిసెంబర్ 2023లో తీసుకొచ్చిన 'రెడ్​మీ 13C'కి సక్సెసర్ కావచ్చు. ఈ 'రెడ్​మీ 13C 4G' వేరియంట్​ను ఈ ఏడాది ప్రారంభంలో గ్లోబల్​గా లాంఛ్ చేశారు. అయితే దీనిలోని హార్ట్​వేర్​ను అప్​డేట్​ చేసి 5G వేరియంట్‌లో ఇండియన్ మార్కెట్లోకి తీసుకొచ్చారు.

ఈ మోడల్ 2411DRN47I నంబర్​తో గీక్​బెంచ్​లో లిస్ట్ అయి ఉంది. ఇది ఇండియన్ వేరియంట్​లో 'రెడ్​మీ 14C 5G' స్మార్ట్​ఫోన్ అని టెక్ నిపుణులు అంచనా వేస్తున్నారు. ఇది పవర్​ఫుల్ క్వాల్​కామ్ స్నాప్​డ్రాగన్ 4 Gen 2 ప్రాసెసర్‌తో రానున్నట్లు తెలుస్తోంది. ఈ స్మార్ట్​ఫోన్ 8GB RAMతో Android 14 ఆధారంగా రన్ అవుతుందని సమాచారం. ఈ స్మార్ట్​ఫోన్ సింగిల్-కోర్ పెర్ఫార్మెన్స్​లో 917, మల్టీ-కోర్ టెస్ట్​లో 2,182 స్కోర్ చేసింది.

రెడ్​మీ కొత్త 5G స్మార్ట్​ఫోన్​లో ఎక్స్పెక్టెడ్ స్పెసిఫికేషన్లు: ఈ కొత్త రెడ్​మీ స్మార్ట్​ఫోన్ 'రెడ్​మీ 14R' మాదిరిగానే ఉంటే అది ఈ కింది స్పెసిఫికేషన్లను కలిగి ఉండొచ్చు.

డిస్​ప్లే: ఈ ఫోన్ 1640 x 720 పిక్సెల్‌ల రిజల్యూషన్‌తో 6.88-అంగుళాల స్క్రీన్​తో రావొచ్చు. ఇది 120Hz రిఫ్రెష్ రేట్, గరిష్టంగా 600 నిట్స్ బ్రైట్​నెస్​తో వస్తుంది. ఈ డిస్​ప్లే ఐ ప్రొటెక్షన్, తడి చేతులతో కూడా ఉపయోగించగల సామర్థ్యాన్ని కలిగి ఉండొచ్చు.

ప్రాసెసర్: Adreno GPUతో క్వాల్​కామ్ స్నాప్​డ్రాగన్​ 4th Gen 2 చిప్‌సెట్

కెమెరా: 13MP ప్రైమరీ రియర్ కెమెరా, 5MP ఫ్రంట్ ఫేసింగ్ కెమెరా

బ్యాటరీ: 5,160mAh

18W ఫాస్ట్ ఛార్జింగ్‌

ఆపరేటింగ్ సిస్టమ్: Android 14-బేస్డ్ HyperOS

బిల్డ్: ఇది 171.88mm x 77.8mm x 8.22mm పరిమాణంతో లైట్​వెయిట్​లో వస్తుంది.