మరోసారి 'బాహుబలి' బృందం ఒక్కచోటుకు చేరబోతోంది. ఈ సిరీస్లో మూడో భాగం తీసేందుకు అనుకుంటున్నారేమో. అయితే మీరు పప్పులో కాలేసినట్లే. ఈసారి కలవబోయేది లండన్లో ప్రఖ్యాత రాయల్ రాబర్ట్ హాల్లో జరిగే కీరవాణి సంగీత విభావరి కోసం. ఈనెల 19న ఈ కార్యక్రమం జరగనుంది. హీరో ప్రభాస్.. ఈ విషయాన్ని ఇన్స్టా వేదికగా పంచుకున్నాడు.
రెండు భాగాలుగా విడుదలైన 'బాహుబలి'.. ప్రపంచవ్యాప్తంగా దాదాపు రూ.1000 కోట్ల పైచిలుకు వసూళ్లు సాధించింది. ప్రభాస్, రానా, అనుష్క, రమ్యకృష్ణ, సత్యరాజ్ తదితరులు తమ నటనతో కట్టిపడేశారు. ఎమ్.ఎమ్.కీరవాణి సంగీతం ప్రత్యేక ఆకర్షణగా నిలిచింది. ఎస్.ఎస్. రాజమౌళి దర్శకత్వం టాలీవుడ్ స్థాయిని పెంచింది.
ఇది చదవండి: ప్రఖ్యాత రాయల్ హాల్లో 'బాహుబలి'
