బాలీవుడ్ హీరో ఆమిర్ఖాన్తో కలిసి 'మహాభారతం' సినిమా కథపై చర్చలు జరుపుతున్నట్లు తెలిపారు ప్రముఖ సినీ రచయిత విజయేంద్ర ప్రసాద్. త్వరలోనే స్క్రిప్ట్ పనులు ప్రారంభించనున్నట్లు స్పష్టం చేశారు. ఆమిర్ కొంతకాలంగా 'మహాభారతం' చిత్రాన్ని తెరకెక్కించేందుకు సన్నాహాలు చేస్తున్నారు.
'మహాభారతం' సినిమాకు సంబంధించి నాకు, ఆమిర్ఖాన్కు మధ్య చర్చలు జరుగుతున్నాయి. త్వరలోనే స్క్రిప్ట్ పనులను ప్రారంభిస్తాం. ఈ ప్రాజెక్టుపై ఇంతకంటే నేను ఎక్కువ చెప్పలేను.
విజయేంద్ర ప్రసాద్, సినీ రచయిత
లాక్డౌన్ సమయంలో కొన్ని కథలు సిద్ధం చేసినట్లు విజయేంద్ర ప్రసాద్ తెలిపారు. తనయుడు ఎస్.ఎస్. రాజమౌళి దర్శకత్వంలో వచ్చిన బ్లాక్బాస్టర్ మూవీ 'బాహుబలి'తో పాటు, 'భజరంగీ భాయిజాన్', 'మణికర్ణిక' వంటి ఎన్నో చిత్రాలకు రచయితగా పని చేశారు ప్రసాద్. ప్రస్తుతం 'ఆర్ఆర్ఆర్'పైనే దృష్టి పెట్టానని.. దీని తర్వాతే మరో సినిమా వివరాలు ప్రకటిస్తానని తెలిపారు .
'ఆర్ఆర్ఆర్'లో హీరో రామ్చరణ్, జూనియర్ ఎన్టీఆర్ ప్రధాన పాత్రలు పోషిస్తున్నారు. బాలీవుడ్ నటులు అజయ్ దేవగణ్,ఆలియా భట్ కీలక పాత్రల్లో కనిపించనున్నారు.
ఇదీ చూడండి:మహాభారతంపై జక్కన్న క్లారిటీ.. పూర్తి చేస్తానని వెల్లడి
