మలయాళంలో విజయం సాధించిన 'అయ్యప్పనుమ్ కోషియుమ్' తెలుగు రీమేక్కు సన్నాహాలు జరుగుతున్నాయి. ప్రముఖ నటులు రానా, రవితేజ ప్రధాన పాత్రల్లో నటించనున్నారు. ఈ చిత్రానికి 'అప్పట్లో ఒకడుండేవాడు' ఫేమ్ సాగర్ కె.చంద్ర దర్శకత్వం వహించబోతున్నారు. సితార ఎంటర్‌టైన్‌మెంట్‌ సంస్థ నిర్మిస్తోంది.
తెలుగు నేటివిటికి దగ్గరగా ఉండేందుకు మాతృకలో కొన్ని మార్పులు చేయనున్నారట. ఈ ఏడాది చివరకు సెట్స్పైకి వెళ్లనుందట. ఒరిజినల్ సినిమాకు సచీ దర్శకత్వం వహించగా, పృథ్వీరాజ్, బిజూ మేనన్ ప్రధాన పాత్రలు పోషించారు. కేవలం రూ.6 కోట్ల బడ్జెట్‌తో నిర్మించగా రూ.50 కోట్లకు పైగా వసూలు చేసింది. హిందీ రీమేక్ హక్కులను బాలీవుడ్‌ నటుడు జాన్‌ అబ్రహం ఇప్పటికే దక్కించుకున్నారు.
