బాలీవుడ్ నటుడు ఆయుష్మాన్ ఖురానా స్త్రీ పాత్రలో నటిస్తున్నాడు. 'డ్రీమ్గర్ల్' పేరుతో తెరకెక్కుతున్న ఈ సినిమాతో రాజ్ షాంద్లియా దర్శకుడిగా పరిచయమవుతున్నాడు. ఈ చిత్రంలో సీత, ద్రౌపది, రాధ లాంటి పాత్రల్లో ఖురానా కనిపించనున్నాడని దర్శకుడు తెలిపాడు.
"ఆయుష్మాన్ ఈ చిత్రంలో రామాయణంలో సీత, మహాభారతంలో ద్రౌపది, కృష్ణలీలలో రాధను పోలి ఉండే పాత్రల్లో నటిస్తున్నాడు. అతడు ఎందుకు అలా అయ్యాడో అనేది చిత్ర కథాంశం" -రాజ్ షాంద్లియా, దర్శకుడు.
ఆయుష్మాన్ చాలా నిజాయతీ గల నటుడని, ప్రతి సినిమాను తన మొదటి చిత్రమనుకుని పనిచేస్తాడని రాజ్ తెలిపాడు. 2006 నుంచి సినీ పరిశ్రమలో ఉంటున్న రాజ్ 600కి పైగా స్క్రిప్ట్లు రాశాడు. చాలా సినిమాలకు, కామెడీ షోలకు డైలాగ్లు రాశాడు.
నుష్రాత్ భరుచా హీరోయిన్గా నటించిన ఈ సినిమా సెప్టెంబరులో విడుదలయ్యే అవకాశముంది. మన్జోత్ సింగ్ కీలకపాత్రలో నటించనున్నాడు.
