Arnold Schwarzenegger: హాలీవుడ్ దిగ్గజ నటుడు, 'టెర్మినేటర్' హీరో ఆర్నాల్డ్ ష్వార్జ్నెగ్గర్ కారు ప్రమాదానికి గురైంది. అయితే ఆయన త్రుటిలో ఈ యాక్సిడెంట్ నుంచి తప్పించుకున్నారు.
శుక్రవారం మధ్యాహ్నం, ఆర్నాల్డ్ డ్రైవింగ్ చేస్తున్న ఓ కారు.. రోడ్డుపై మరో కారును ఢీ కొట్టింది. దీంతో ఆ కారులో మహిళకు స్వల్ప గాయాలయ్యాయి.
ఆర్నాల్డ్కు ఎలాంటి గాయాలు కాలేదని, మహిళ ఆరోగ్యంపై ఆయన ఆందోళన వ్యక్తం చేశారని ఆర్నాల్డ్ ప్రతినిధి చెప్పారు. అయితే ఆర్నాల్డ్.. డ్రగ్స్, ఆల్కహాల్ తీసుకున్న ఆనవాళ్లు ఏం కనిపించట్లేదు. ప్రస్తుతం ఈ ప్రమాదంపై పోలీసులు దర్యాప్తు చేస్తున్నారు.
ఆస్ట్రియాకు చెందిన ఆర్నాల్డ్ ష్వార్జ్నెగ్గర్ బాడీ బిల్డింగ్లో ఛాంపియన్. 1980లో హాలీవుడ్లో ఆయన స్టార్గా గుర్తింపు తెచ్చుకున్నారు. కొనన్ ది బార్బేరియన్, కమాండో, టెర్మినేటర్, టోటల్ రీకాల్, ట్రూ లైస్ లాంటి సూపర్హిట్ సినిమాల్లో నటించి భారతీయ ప్రేక్షకులకు దగ్గరయ్యారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇవీ చదవండి:
