Arjuna Phalguna trailer: శ్రీవిష్ణు కథానాయకుడిగా తేజ మర్ని దర్శకత్వం వహించిన చిత్రం 'అర్జున ఫల్గుణ'. శుక్రవారం ఈ చిత్ర ట్రైలర్ను స్టార్ డైరెక్టర్ కొరటాల శివ విడుదల చేశారు. నిరంజన్‌ రెడ్డి, అన్వేష్‌ రెడ్డి సంయుక్తంగా నిర్మించారు. అమృతా అయ్యర్‌ కథానాయిక. డిసెంబర్‌ 31న అంటే ఈ ఏడాది రాబోతున్న చివరి తెలుగు సినిమా ఇదే.
- " class="align-text-top noRightClick twitterSection" data="">
Gopichand new movie: స్టార్ కథానాయకుడు గోపీచంద్ మరో సినిమా మొదలుపెట్టేశారు. తనతో 'లక్ష్యం', 'లౌక్యం' లాంటి హిట్ సినిమాలు తీసిన శ్రీవాస్తో మరోసారి కలిసి పనిచేస్తున్నారు. ఈ చిత్రం శుక్రవారం హైదరాబాద్లో లాంఛనంగా ప్రారంభమైంది. ప్రముఖ దర్శకుడు రాఘవేంద్రరావు, డైరెక్టర్స్ వివి వినాయక్, బాబీ, నిర్మాత డీవీవీ దానయ్య తదితరులు ఈ కార్యక్రమానికి హాజరయ్యారు.
అయితే ఈ సినిమా షూటింగ్ వచ్చే నెల నుంచి ప్రారంభించనున్నట్ల వెల్లడించారు. ఇందులో హీరోయిన్గా నభా నటేశ్ను ఎంపిక చేయాలని భావిస్తున్నారు. అలానే రాజశేఖర్ విలన్గా నటిస్తారనే ప్రచారం జరుగుతోంది. మరి ఇందులో నిజమెంతనేది తెలియాల్సి ఉంది.
valimai telugu: తమిళ స్టార్ హీరో అజిత్ నటిస్తున్న కొత్త సినిమా 'వాలిమై'. ఈ సినిమాను తెలుగు, హిందీ భాషల్లోనూ విడుదల చేయనున్నట్లు ప్రకటించింది చిత్రబృందం. టాలీవుడ్ యువహీరో కార్తికేయ ఇందులో ప్రతినాయకుడిగా కనిపించనున్నారు. హెచ్‌.వినోద్‌ దర్శకత్వంలో తెరకెక్కుతోందీ సినిమా. అజిత్‌కు(ajith kumar valimai release date) జోడీ హ్యుమా ఖురేషి నటిస్తుండగా, యువన్‌ శంకర్‌రాజా స్వరాలు సమకూరుస్తున్నారు. బేవ్యూ ప్రొజెక్ట్స్‌ పతాకంపై బోనీకపూర్‌ ఈ సినిమాను నిర్మిస్తున్నారు. వచ్చే ఏడాది సంక్రాంతికి రిలీజ్ కానుందీ చిత్రం.
Ganapath movie: బాలీవుడ్ హీరో టైగర్ ష్రాఫ్ నటిస్తున్న 'గణ్పత్' చిత్రం వచ్చే ఏడాది క్రిస్మస్ కానుకగా రిలీజ్ చేయనున్నట్లు స్పష్టంచేసింది చిత్రబృందం. వికాస్ బాహల్ దర్శకత్వం వహిస్తున్న ఈ సినిమాలో కృతి సనన్ కథానాయిక. పూజా ఎంటర్టైన్మెంట్స్ బ్యానర్పై ఈ చిత్రం తెరకెక్కనుంది.
ఇదీ చూడండి: Pushpa: వసూళ్లలో తగ్గేదే లే.. యూఎస్ఏలో 'పుష్ప' రికార్డు
