సూపర్స్టార్ మహేష్‌బాబు (Mahesh Babu) కథానాయకుడిగా పరశురామ్ దర్శకత్వంలో తెరకెక్కుతున్న చిత్రం 'సర్కారు వారి పాట' (Sarkaru Vaari Paata). మైత్రీ మూవీ మేకర్స్‌, 14 రీల్స్‌ సంయుక్తంగా నిర్మిస్తున్న ఈ సినిమాలో ప్రతినాయకుడిగా అర్జున్ (action king arjun) నటించనున్నారని వార్తలు వినిపిస్తున్నాయి. ఇప్పటికే ఆయన చిత్రంలో నటించేందుకు తన అంగీకారాన్ని తెలియజేశారని తెలుస్తోంది. అయితే దీనిపై ఇంకా ఎలాంటి అధికారిక ప్రకటన రాలేదు.
జులైలోనే సినిమా తిరిగి పునః ప్రారభించడానికి సిద్ధమయ్యారు. కొత్త షెడ్యూల్‌ సినిమా షూటింగ్‌లో పనిచేసే ప్రతి ఒక్కరి కొవిడ్‌ టీకాలు వేయించాలని చిత్రబృందం నిర్ణయం తీసుకున్నట్లు సమాచారం. జులైలో జరిగే షూటింగ్‌ కోసం హైదరాబాద్‌లోనే ప్రత్యేకంగా నిర్మించిన సెట్లో మహేష్-అర్జున్‌లపై కొన్ని కీలక సన్నివేశాలు చిత్రీకరించనున్నారట. ఇందులో కథానాయికగా కీర్తి సురేష్‌ నటిస్తోంది. తమన్‌ సంగీత స్వరాలు సమకూరుస్తున్నారు.
