మోహిత్ సూరి దర్శకత్వంలో తెరకెక్కించిన 'ఏక్ విలన్' మంచి విజయం సాధించింది. ఈ చిత్రానికి సీక్వెల్‌గా 'ఏక్ విలన్ 2'ని తెరకెక్కించడానికి సన్నాహాలు మొదలయ్యాయి. ఇందులో జాన్‌ అబ్రహం, ఆదిత్య రాయ్‌కపూర్‌ ప్రధాన పాత్రల్లో నటించడానికి రంగం సిద్ధమైంది. ఇంతలోనే ఆదిత్య ఈ చిత్రం నుంచి వైదొలిగినట్టు సమాచారం.
మోహిత్ సూరి, ఆదిత్యరాయ్‌ మధ్య సృజనాత్మక విభేదాల కారణంగా ఆదిత్య తప్పుకొన్నట్లు తెలిసింది. ఇప్పుడు ఆ స్థానంలో బాలీవుడ్‌ హీరో అర్జున్‌కపూర్‌ రాబోతున్నాడట. ‘‘ఈ చిత్రంలో జాన్‌అబ్రహం, అర్జున్‌కపూర్‌ మధ్య సాగే కొన్ని కీలక యాక్షన్‌ సన్నివేశాలు చిత్రానికే హైలైట్‌గా నిలుస్తాయని చెబుతోంది చిత్రబృందం. ఇందులో అర్జున్‌కు జోడీగా తారా సుతారియా నటించనుంది.
