'హాలో' అంటూ తెలుగు ప్రేక్షకులను పలకరించిన హీరోయిన్ కల్యాణి ప్రియదర్శన్.. ప్రస్తుతం మోహన్లాల్ తనయుడు ప్రణవ్తో కలిసి 'హృదయం' అనే చిత్రంలో నటిస్తోంది. ఈ సినిమా షూటింగ్లో వీరిద్దరూ ప్రేమపాఠాలు నేర్చుకున్నట్లు వార్తలొస్తున్నాయి.
ప్రణవ్-ప్రియల కుటుంబాల మధ్య ఎన్నో ఏళ్ల అనుబంధం ఉంది. అంతేకాదు ఇరువురు చిన్ననాటి నుంచి స్నేహితులే కావడం విశేషం. ఇప్పుడా స్నేహమే ప్రేమగా చిగురించి ఒక్కటవ్వనున్నారని ప్రచారం జరుగుతోంది. వీరి ఫొటోలు ప్రస్తుతం సామాజిక మాధ్యమాల్లో వైరల్గా మారాయి.
కల్యాణి ప్రియదర్శిన్.. 'హాలో' చిత్రంతో అఖిల్ సరసన హీరోయిన్గా నటించి టాలీవుడ్కు పరిచయమైంది. ఆ తర్వాత సాయిధరమ్ తేజ్తో 'చిత్రలహరి', శర్వానంద్తో 'రణరంగం'లో తెరపై కనిపించి మెప్పించింది. ప్రస్తుతం కల్యాణి నటిస్తున్న 'హృదయం' చిత్రానికి వినీత్ శ్రీనివాసన్ దర్శకత్వం వహిస్తున్నాడు. మెర్రీల్యాండ్ సినిమాస్ పతాకంపై నిర్మితమయ్యే ఈ చిత్రానికి.. విశాఖ సుబ్రమణ్యం, నోబెల్బాబు నిర్మాతలుగా వ్యవహరిస్తున్నారు.
ఇందులో దర్శన రాజేంద్రన్, మాయానాది, విజయ్లు కీలకపాత్రలు పోషిస్తున్నారు. ప్రణవ్-కల్యాణిలు కలిసి 'మరక్కర్: అరబికాడలింటే సింహామ్' చిత్రంలోనూ అతిథి పాత్రల్లో కనిపించనున్నారు.
