విక్కీ కౌశల్... ఉరీ సినిమా హిట్తో అమాంతం బాలీవుడ్ స్టార్గా ఎదిగాడు. ఆ సినిమాలో పవర్ఫుల్ జవాన్ పాత్రలో కనిపించాడు. త్వరలో కాటమరాయుడి వేషం వేయనున్నాడు. తమిళ సినిమా వీరంలో రీమేక్లో అతడు హీరోగా నటించనున్నాడు.
2014లో అజిత్ హీరోగా నటించిన తమిళ చిత్రం వీరం భారీ విజయాన్ని సాధించింది. ఆ సినిమా పవర్స్టార్ పవన్ కల్యాణ్ హీరోగా తెలుగులో కాటమరాయుడు పేరుతో 2017లో రీమేక్ అయింది. ఇప్పుడు బాలీవుడ్లో అడుగుపెట్టనుంది. ఈ సినిమాకు 'ల్యాండ్ ఆఫ్ లుంగీ' పేరును అనుకుంటున్నట్టు సమాచారం. ఈ సినిమాలో హీరోగా నటించనున్నాడు ఉరీ: ద సర్జికల్ స్ట్రయిక్తో జోష్ మీదున్న హీరో విక్కీ కౌశల్. సాజిద్ నదియద్వాలా నిర్మాతగా వ్యవహరిస్తున్న ఈ చిత్రానికి ఫర్హత్ సమ్జీ దర్శకత్వం వహించనున్నాడు.
వీరం రీమేక్ కోసం బాలీవుడ్ హీరో అక్షయ్ కుమార్ను చిత్ర బృందం సంప్రదించినట్టు సమాచారం. అయితే డేట్లు ఖాళీ లేని కారణంగా అక్షయ్ తిరస్కరించాడు. ప్రస్తుతం లక్ష్మీబాంబ్, సూర్యవంశీ, ద ఎండ్ చిత్రాల్లో నటిస్తున్నాడు అక్షయ్. ప్యాడ్మ్యాన్ తప్పుకోవడం వల్ల విక్కీకి లక్కీ ఛాన్స్ వచ్చింది.
ఇదీ చూడండి : ఆసీస్-భారత్ మ్యాచ్కు మహేశ్బాబు..!
