టాలీవుడ్ స్టార్ హీరోయిన్ అనుష్క శెట్టి.. లేడీ ఓరియెంటెడ్ సినిమాలతో మంచి గుర్తింపు తెచ్చుకుంది. మొదటిసారి 'అరుంధతి' చిత్రంతో ఆ జోనర్లో సినిమాలు చేయడం మొదలుపెట్టగా.. 2018లో విడుదలైన 'భాగమతి' చిత్రం మంచి పేరుతెచ్చి పెట్టింది. ఆమె నటించిన 'నిశ్శబ్దం' విడుదలకు సిద్ధంగా ఉంది. ఈ సినిమాలో మాధవన్ ఓ కీలకపాత్రలో కనిపించనున్నాడు.
ప్రస్తుతం అనుష్క మరో లేడీ ఓరియెంటెడ్ సినిమా చేయడానికి సిద్ధమవుతోందని సమాచారం. కర్ణాటక్ సింగర్, మహిళా హక్కుల పోరాట యోధురాలైన బెంగళూరు నాగరత్తమ్మ బయోపిక్ను దర్శకుడు సింగీతం శ్రీనివాసరావ్ తెరకెక్కించనున్నట్టు ప్రచారం జరుగుతోంది. దీనిపై పూర్తి వివరాల కోసం అధికార ప్రకటన వచ్చేంత వరకు వేచి చూడాల్సిందే.
ఇదీ చూడండి.. రొయ్యల కూర చేసిన బాలీవుడ్ హీరో
