దక్షిణాది నటి అనుష్క శెట్టి వ్యక్తిగత జీవితంపై అనేక ఊహాగానాలు వెల్లువెత్తున్నాయి. ఇటీవలే ఒక భారతీయ క్రికెటర్‌తో డేటింగ్ చేస్తున్నట్టు వచ్చిన వార్తను ఖండించింది. ఇది జరిగిన కొద్ది రోజులకే.. టాలీవుడ్ ప్రముఖ దర్శకుడు కె.రాఘవేంద్రరావు కుమారుడు ప్రకాశ్తో స్వీటీ డేటింగ్లో ఉన్నట్టు ప్రచారం జరుగుతోంది.
2014లో ప్రముఖ బాలీవుడ్ రచయిత కనికా ధిల్లాన్‌ను వివాహం చేసుకున్నాడు ప్రకాశ్. రెండేళ్ల క్రితం వారు విడిపోయారు. ఈ క్రమంలో స్వీటీ-ప్రకాశ్ కొంతకాలంగా సన్నిహితంగా మెలుగుతున్నారని.. తాజాగా పెళ్లికి సిద్ధమయ్యారని సినీవర్గాల్లో చర్చ నడుస్తోంది.
అనుష్క శెట్టి ప్రస్తుతం నటించిన ద్విభాషా థ్రిల్లర్ చిత్రం 'నిశ్శబ్ధం'.. త్వరలోనే విడుదలకానుంది. ఈ సినిమాలో మాధవన్, అంజలి, షాలిని పాండే, హాలీవుడ్ నటుడు మైఖేల్ మాడ్సెన్ కీలక పాత్రల్లో నటించారు.
2004లో విడుదలైన 'బొమ్మలాట' చిత్రంతో దర్శకుడిగా మారాడు ప్రకాశ్. ఆ తర్వాత అనుష్క, ఆర్య హీరో హీరోయిన్లుగా 'సైజ్ జీరో' సినిమాను తెలుగు-తమిళ భాషల్లో తెరకెక్కించాడు.
ఇదీ చూడండి.. టీజర్: 'అమ్మాయిలు బాగా ముదుర్లబ్బా..'
