స్టార్ హీరోయిన్ అనుష్క శెట్టితో యువ హీరో నవీన్ పొలిశెట్టి సినిమా ఖరారైంది. ఈ మేరకు అధికారికంగా ప్రకటించింది నిర్మాణ సంస్థ యూవీ క్రియేషన్స్. ఈ సినిమా గురించి ఇదివరకే పలు ఊహాగానాలు వచ్చాయి. నేడు (డిసెంబర్ 26) నవీన్ పుట్టినరోజు సందర్భంగా సినిమాలోని అతడి పోస్టర్ను విడుదల చేసిన నిర్మాణ సంస్థ.. సినిమా ఉంటుందని స్పష్టతనిచ్చింది.
2020లో వచ్చిన 'నిశ్శబ్దం' తర్వాత వెండితెరపై కనిపించలేదు అనుష్క. సుదీర్ఘ విరామం తర్వాత ఈ సినిమాతోనే మళ్లీ ప్రేక్షకుల ముందుకు రానుంది. దీంతో ఈ చిత్రంపై భారీ అంచనాలు ఏర్పడ్డాయి. ఇక ఈ ఏడాది వచ్చిన 'జాతి రత్నాలు' చిత్రంతో బంపర్ హిట్ అందుకుని జోరు మీదున్నాడు నవీన్.
ఇదే కథ?
40 ఏళ్ల మహిళను 20 ఏళ్ల యువకుడు ప్రేమిస్తే ఎలా ఉంటుంది? అనే నేపథ్యంలో ఈ సినిమా తెరకెక్కనున్నట్లు సమాచారం. ఈ విషయంపై స్పష్టత రావాల్సి ఉంది.
ఇదీ చూడండి: నా జీవితాన్ని ఇంతలా మార్చింది రాజమౌళినే: ఎన్టీఆర్
