బాలీవుడ్‌ నటి, క్రికెటర్‌ విరాట్ కోహ్లీ సతీమణి అనుష్కశర్మ మే 1న 33వ వసంతంలోకి అడుగుపెట్టింది. పుట్టినరోజు వేడుకలు నిర్వహించకపోవడానికి గల కారణాలను ఆమె ఓ వీడియోలో వెల్లడించింది. ఈ విపత్కర పరిస్థితుల్లో కొత్త కార్యక్రమానికి శ్రీకారం చుడుతున్నామని.. అందుకోసం అందరం కలిసి పోరాడాలని పేర్కొంది.
'నాకు జన్మదిన శుభాకాంక్షలు చెప్పిన వారందరికీ ప్రత్యేక కృతజ్ఞతలు. మన చుట్టూ విపత్కర పరిస్థితి ఏర్పడింది. ఇలాంటి పరిస్థితుల్లో జన్మదిన వేడుకలు చేసుకోవడం సరైంది కాదనిపించింది. మీరంతా సురక్షితంగా ఉండండి. నా భర్త విరాట్ కోహ్లీతో కలిసి ఒక కొత్త కార్యక్రమానికి శ్రీకారం చుట్టబోతున్నాం. ఈ కష్టకాలంలో దేశంలోని పేదలను ఆదుకోవడమే ఆ కార్యక్రమ ఉద్దేశం. అందుకు మీరూ కలిసి రావాలని కోరుతున్నా. అందరం కలిసి పోరాడుదాం' అని అనుష్క చెప్పింది. విరాట్ కోహ్లీ కూడా ఈ ఏడాది కరోనాను దృష్టిలో పెట్టుకొని తన భార్య అనుష్కకు ఇన్‌స్టాగ్రామ్‌లో పుట్టిన రోజు శుభాకాంక్షలు చెప్పలేదు.
- " class="align-text-top noRightClick twitterSection" data="
">
