ప్రముఖ బాలీవుడ్ హీరో ఆయుష్మాన్ ఖురానా నటించిన సూపర్హిట్ చిత్రం 'అంధాధున్'. ఈ చిత్రాన్ని తెలుగులో రీమేక్ చేయనున్నారు. యువ కథానాయకుడు నితిన్ ప్రధానపాత్రలో నటించనున్నాడు. మేర్లపాక గాంధీ దర్శకత్వంలో ఈ చిత్రం తెరకెక్కనుంది. జూన్లో సెట్స్పైకి వెళ్లాల్సి ఉండగా కరోనా కారణంగా నిలిచిపోయింది. ప్రియాంక అరుల్ మోహన్ హీరోయిన్. అయితే ఈ చిత్రంలో టబు పాత్ర కీలకం. ఇక్కడ ఆ పాత్ర కోసం ఎవరిని తీసుకోవాాలనే ఆలోచనలో పడింది చిత్రబృందం.
ఈ రీమేక్లో టబు పాత్రలో శ్రియ నటించనున్నట్లు ప్రస్తుతం వార్తలు వస్తున్నాయి. త్వరలోనే అధికారిక ప్రకటన చేయనున్నారని తెలుస్తోంది. దీంతో శ్రియను నెగిటివ్ రోల్లో చూసేందుకు అభిమానులు ఆసక్తిగా ఎదురుచూస్తున్నారు. కాగా 'ఆర్ఆర్ఆర్' చిత్రంలోనూ అజయ్ దేవ్గన్ సరసన కీలక పాత్ర పోషించనుంది శ్రియ.
